حلاوت الريد
شوفه حلاوت ريدي وريده
وعيشه حلاوت حبنا زاته
وشوفو جمال الروح والالفه وبفرح دايما بي طلاته
وتفرح كل الدنيا معاي
والكون تتفتح كل زهراته
وحتي نسايم الليل تتهادي
معاها اريج من كل نفحاته
وتتمايل اغصان الحن واللهفه
تحضنه تلثم كل وجناته
ومعاها بعيش اجمل احساس
يغمرني حنين بكاي لي زاته
زولا اجمل من الدنيا بي حالا
واطيب من اللحن في صفاته
زولا رد الفرحه الغابت
وطمن روحي بي حلو صفاته
اجمل من الدر والجوهر
والمسك البي روايحه بنسكر
زولا زي الماس الاصلي
يندر لو نلقاه ونفخر
زول في درب المولي هو صوفي
وذكر الله في كل اوكاته
يحفظه رب العزه القادر
ويتجمل بي هيبة زاته
نجلاء البوادي
ساحة النقاش