شرفيني
مرحبا وبتشرفي
خشي الرويحه وهبشي
امليني حن ما تكتفي
وتلقيني ليك خلا وفي
وبتشرفي
ادخلي في الروح والعصب
شان تشفي نيران اللهب
وفي مسارب الدم كمان
غطيني من جور الزمان
وبتشرفي
جاوبتي بي قوله نعم
لما الزمان جاوب نفي
وهداني حيل الامنيات
وانا كنت زولا جد وفي
وبتشرفي
ما اصله حال الدنيا حال
تنفيك محل ما تصطفي
وتخلي حلمك في الرهاب
تنفيك وما بتخلي شئ
وبتشرفي
نجلاء البوادي
ساحة النقاش