ﺃﺭﻭﻉ ﺯﻭﻟﺔ
أروع حاجة تحبك زولة
ﺯﻭﻟﺔ ﺗﻠﺨﺒﻂ ﻛﻞ ﻛﻴﺎﻧﻚ
ﻣﻦ ﺃﺣﺴﺎﺱ ﺍﻟﻮﻫﻠﺔ ﺍﻻﻭﻟﻲ
ﺯﻭﻟﺔ ﺗﻌﺰﻙ ﻭﺗﻌﺮﻑ ﻗﺪﺭﻙ
ﺗﻐﺮﺱ ﻓﻲ ﺟﻮﺍﻙ ﺷﺘﻮﻟﻪ
ﺯﻭﻟﺔ ﺗﺤﺲ ﺑﺎﻟﻔﺮﺣﺔ ﻣﻌﺎﻫﺎ
ﺗﻌﻴﺶ ﺍﻟﺪﻧﻴﺎ ﺑﻜﻞ ﻓﺼﻮﻟﻬﺎ
*******
ﺯﻭﻟﺔ ﺃﻧﻴﻘﻪ ﺭﻗﻴﻘﻪ ﺭﺷﻴﻘﻪ
ﺯﻭﻟﺔ ﺭﺯﻳﻨﻪ ﻭﺩﻳﻤﻪ ﻣﻬﻮﻟﺔ
ﻃﻴﺒﻪ ﻭﺣﻠﻮﺓ ﺑﺸﻮﺷﻪ ﻛﺮﻳﻤﻪ
ﻟﻴﻚ ﺍﻟﻜﻠﻤﻪ ﺍﻟﺤﻠﻮﺓ ﺗﻘﻮﻟﻪ
ﺯﻭﻟﺔ ﺗﺤﺒﻚ ﺟﺪﺍ ﺟﺪﺍ
ﺯﻭﻟﺔ ﺑﺮﻳﺪﺗﻚ ﺟﺪ ﻣﻜﺘﻮﻟﺔ
ﻟﻮ ﻋﺎﻳﻨﺖ ﻓﻲ ﻭﺩ ﻋﻴﻨﻴﻬﺎ
ﺷﺎﻥ ﻣﺎ ﺗﻤﻼ ﻋﻴﻮﻧﻚ ﻓﻴﻬﺎ
ﺗﻜﺴﺮﻋﻴﻨﻬﺎ ﻭﺗﺒﻘﻲ ﺧﺠﻮﻟﺔ
*******
ﺯﻭﻟﺔ ﺩﻭﺍﻡ ﺗﺸﺘﺎﻕ ﻟﻲ ﻟﻘﺎﻫﺎ
ﺗﺒﻘﻲ ﺍﻟﻠﺤﻈﻪ ﺑﺪﻭﻧﻬﺎ ﻣﻠﻮﻟﻪ
ﻣﻨﺎﻙ ﺗﻘﻀﻲ ﺍﻟﻌﻤﺮ ﻣﻌﺎﻫﺎ
ﺣﺖ ﻟﻮ ﻛﺎﻧﺖ ﺃﺧﺮ ﻟﻴﻠﻪ
ﻭﺍﻧﻚ ﺃﺳﻌﺪ ﺯﻭﻝ ﺑﻬﻮﺍﻫﺎ
ﻭﻫﻲ ﺗﺤﺲ ﺑﺎﻧﻚ ﺯﻭﻟﺔ
*******
ﻋﻨﻚ ﺗﺴﺄﻝ ﻳﻮﻡ ﺗﺘﺄﺧﺮ
ﻗﺒﻞ ﺗﻤﺮ ﺍﻟﻔﺮﻗﻪ ﻃﻮﻳﻠﻪ
ﺗﻘﺒﻞ ﻋﺬﺭﻙ ﻳﻮﻡ ﺗﺘﻌﺬﺭ
ﻭﺍﻷﻋﺬﺍﺭ ﻋﻨﺪﻫﺎ ﻣﻘﺒﻮﻟﺔ
ﺯﻭﻟﺔ ﺗﻘﻴﻢ ﺟﻬﺪﻙ ﻭﻛﺪﻙ
ﺯﻭﻟﺔ ﺗﻘﺪﺭ ﻛﻠﻤﺔ ﺃﺣﺒﻚ
ﺩﺍﻳﻤﺎ ﺗﺒﻘﻲ ﺟﻮﺍﺭﻙ ﻗﺮﺑﻚ
ﻛﻞ ﻫﻤﻮﻡ ﺍﻟﺪﻧﻴﺎ ﺗﺰﻳﻠﻪ
ﺑﻬﻤﺴﻪ ﻭﻟﻤﺴﻪ ﻭﻛﻠﻤﻪ ﺣﻨﻴﻨﻪ
ﺑﻨﻈﺮﻩ ﻭﺑﺴﻤﻪ ﻭﺿﺤﻜﻪ ﺟﻤﻴﻠﻪ
ﺗﻤﺴﺢ ﻋﻨﻚ ﺟﻞ ﺃﺣﺰﺍﻧﻚ
ﻛﻞ ﺃﻭﺟﺎﻉ ﺍﻟﻤﺎﺿﻲ تشيلة
*******
ﺯﻭﻟﺔ ﻫﻤﻴﻤﺔ ﻭﺑﻴﻚ ﻣﻬﻤﻮﻣﺔ
ﻋﺎﻟﻲ ﻣﻘﺎﻣﺎ ﻭﻣﺎﻟﻴﺔ هدومة
ﺯﻭﻟﺔ ﺩﻭﺍﻡ ﺗﺘﻤﻨﻲ ﻟﻘﺎﻫﺎ
ﺩﻳﻤﺔ ﺗﺤﺲ ﺑﺎﻧﻚ ﺗﻮﻣﺔ
ﺯﻭﻟﺔ ﻣﻌﺎﻙ ﻓﻲ ﻛﻞ ﺃﺯﻣﺎﻧﻚ
ﺯﻱ ﺃﻧﻔﺎﺳﻚ ﺗﺒﻘﻲ ﺧﻠﻴﻠﺔ
ليكا ﺗﻔﺮ ﺗﺒﻴﺎﻥ ﺗﺤﻨﺎنة
ﺩﻳﻤﺔ تضمك ﻓﻲ ﺃﺣﻀﺎنة
ﻣﺎ ﺗﺨﻠﻴﻚ ﻣﺤﺘﺎﺝ ﻟﻲ ﺣﺎﺟﺔ
ﺯﻭﻟﺔ ﻓﺮﻳﺪﻩ ﻓﻲ ﻧﻮﻋﻬﺎ ﺃﺻﻴﻠﻪ
ﺯﻭﻟﺔ جميلة ﻓﻲ ﻛﻞ ﺻﻔﺎﺗﻬﺎ
ﺭﺍﻳﻘﻪ ﻭﻫﺎﺩية ﺃﺧﻼﻗﻬﺎ ﻧﺒﻴﻠﺔ
ﺯﻭﻟﺔ ﺗﻠﺨﺒﻂ ﻛﻞ ﻛﻴﺎﻧﻚ
ﻣﻦ ﺃﺣﺴﺎﺱ ﺍﻟﻮﻫﻠﺔ ﺍﻻﻭﻟﻲ
.......
أﺣﻤﺪ ﺑﺨﻴﺖ ﺧﻠﻴﻔﺔ ﻭﺩ ﺍﻟﺤﻤﺮ
ساحة النقاش