☺ ما بتختشي ☺
ما بتختشي
تجرحي قليب زولا هواك
كاتم الألم في الجوف حشي
سافر معاك كل الدروب
كمل معاك كل المشي
تاريهو حبك كان سراب
إحساس حزين نافر بعيد
جافي و عنيد ما متلو شئ
ما بتختشي
قلبي الحنين أخضر ندي
مشلول و مصلوب في رجاك
راقد كسيح غالبو المشي
مستني منك كلمة بس
لو مرة بيها توشوشي
ما بتختشي
مليت اقول و أحلم براي
ياريت تحسي و تختشي
خليها بس نيران هواك
تكوي القليب ما تهمشي
ما اصلو غيرك ما بشوف
كيفن بكون بعدك سعيد
و البسمة عنوان في وشي
🎵🎵🎵🎵🎵🎵
من كلماتي : عوض الله عبدالرحمن أبوشيبة
ساحة النقاش