مرض اتنين 

 

الريد مرض ساري ومشترك

بين أتنين عديل مافيهو شك

               ......

 

المسبب غريب ومامدروس

لاهو طفيل لابكتريا لافيروس

              ..... 

طريقة انتقاله عجيبه بالحيل

بنتقل كان كت بعيد مليون ميل 

            ......   

لابنفس لابرزاز لابالناس

قالو بس احساس

             ..... 

ولابنتقل بالاذدحام

نظره وكلام واهتمام

              .....

وقالو اعراضه كالأتي:

لماتشوف هناك زولك

 تحس بأنو بتاتي 

وراسك يجوووط لاتعرف 

كان ماشي أو اتي

ودقات قلبك كتير بتذيد

والجنمبك تشوفو بعيد

وفي عز الهجير تحس

 ايديك فيها تلج

ولماترد عليه بسؤال

 تحس بأنك متبلج

               .....

لقيتك مرض مزمن

 قلته احوله لحاد 

عشان أبقي العلاج ممكن

برضو لقيتو مامكن

قلته اجرب استئصال

 والجرح العميق يمكن 

برضو لقيتو مااممكن 

قالو المرض أصبح

 صعيب ومتوطن 

ونهايتو يابتموت يابتجن

-

~لمياء علي الفكي...