--------------قال-------------
قال الهوا غدار
لكن فى قلبه اسرار
وانا قلبى فيه احتار
مش عارف انا اختار
خايف ادوق العسل
يقول كفايه خد كاس المرار
مرار فراقك وتقول خلص المشوار
يبقى ليه اجنى على قلبى وارميه فى النار
ما انا شايف دموع العا شقين بتروى الاشجار
كسرت الحزن جوايا وقلت كفايه يا هوايا
انا صابر واترجى الصبر يصبر معايا
ينسينى ياخدنى بعيد عن عيون محبينى
على شان انا دمعتى غاليه خوفى تسيل وتكوينى
قال الهوا غدار
انا قلت طعمه مرار
خودينى با موجه فى قلب البحر ضمينى
شوفى همومى واغسلى دموع عينى
واشكى لكل موجه جايه عن حبى وحنينى
ضمينى حسينى ولما يقرب الطير منك نادينى
ما انا المجروح اتارى الطير على جرحى يواسينى
وسالت دموع الطير على خدى بتكوينى
انا قلت قلوب الطير بترق على شوقى وحنينى
وقلبك ياه على قلبك اكيد انتا مش انسان
قال الهوا غدار
الشاعر /على فياض البلصفورى
قلب ينبض من سوهاج
نشرت فى 24 نوفمبر 2014
بواسطة adwaeelmadina
عدد زيارات الموقع
39,988