فى الآونة القادمة يجب أن نتصدى لأى هجمات تريد أن تزعزع أمن مصر ويجب أن نحميها بأرواحنا ودمائنا ...... ولذلك اخترت لأحبابى هذه الرباعيات فى حب مصر من ديوانى وقفات ورباعيات .... الشاعر الشيخ محمد شرف
******************
دايماً منصورة
***********
جمالك ظاهر فى الصورة
ياحبيبتى ودايماً منصورة
أنا ابنك عاشقك بيقولك
أنا قلبى زى العصفورة
************
مصر نادت
***********
مصر نادت يلا يا ابنى قوم وشارك
ابنى عمَّر ف اللى راح ... يلا بارك
يا حبيبتى ياضى عينى إنتِ قلبى
راح فِ سلم أحب أرضِك وفْ معارك
************
حضن بلدى
*********
حضنها طول عمره دافى
تاخدنى .. أبقى متعافى
ولا أندم فى يوم عمرى
و قلبى ف حبها صافى
**************
نصيبى
********
نصيبى إن أنا سواح
بحُب الأرض أنا مرتاح
وأشوف بلدى بتندهلى
أناجيها مسا وصباح
**************
أنا المصرى
**********
أنا المصرى أنا الباقى
و رايح ألم أوراقى
وهرجع منتصر تانى
وهثبت إن أنا راقى
إعجابإعجاب · · مشاركة
