== قتلوا البرئ ==
****************
مين اللى قتل البرئ
إرهابى ولا أخوانى
ولا عميل
كل ده ما يهمنيش
مصر عايزة تنطلق عشان تعيش
وترجع الضحكة لشعب
عانَ من التهميش
أمسكوا القتلة الفاسقين
اللى بيقتلوا بأسم الدين
والدين أتبرى منهم من سنين
أمسكوهم ..
وفى المشانق علقوهم
لا تقولى ده أخوانى
ولا حتى متعصب أسلامى
ده قاتل محترف أرهابى
قتله واجب قومى
بل واجب أنسانى
ذنبهم إيه ..؟
محمد ومينا وجابر
لما سقوا الأرض بدماهم
والكل للجنة سافر
قتلوهم بالخيانة والغدر
يتموا .. أولادهم
وكسروا خاطر أباءهم
إيه ذنبهم ..؟
لما راحوا على الحدود
يمنعوا كل قاتل يعبر السدود
وأعطونا الأمن والأمان
بلا حدود
فى كل أنحاء البلاد
تلاقيهم أسود
شجعان الوطن
أبطال مصر الأبية
هم شهداء الكرامة والأنسانية
----
الله يرحم شهداء الفرافرة،،،،،،،،،،،
د.عبدالفتاح الغنيمى
17/6/2014
