يا احلى م الحور
يا غصن ورود وزهور
انا المسحور
يا قمراية
يا ضلاية
يا شمساية
بتدى الدفا والنور
انا المبهور
واتمنى لو ابقى
لاجل حواليكى ابقى
فى جو الهوى عصفور
ولاجل شفايفك النبقة
اعمل ف الفضا مسابقة
لقبلة ف الهوا تدور
واحارب الدنيا من اجلك
وابقى ناسك واهلك
وبين الناس انا راجلك
ولاجلك اعدى بحور
واحارب القدر لو حتمت
واطلع القمر لو لزمت
واشق الضلمة لو هجمت
واحصد نجم السما
والضملك عقد نور
وانا وقصايدى وشعرى
وكل اللى باقى من عمرى
نستنى على بابك
ونبقى حراسك وحجابك
ف انتظار هلة هلالك
واقفين ف طابور
الشاعر عبد الله الهوارى قنا قوص جرا جوس
