مجله أضواء المدينه * *(أغنية /// حاسب يا وله..................... ) * ... "::: بقلم شاعر الوجدان الشاعر السكندرى / على الطاووس

أغنية /// حاسب يا وله
حاسب ياوله حاسب و شوف أنت بتكلم مين...
ده أنا رمشى اللى هوى أذا ماصبشي يجرح ملايين...
و أنت مش ح تلاقى طبيب يداويك...
و قدى و قوامى فى ألأمثله تلاقيهم بيضربو بيه...
و رنت خطوتى من كعابى على ألأرض تهز هز....
وبأقولها يا أرض أنهدى ده ما عليكى قدى...
و شعرى السايح النايح محنياه من أول أمبارح...
ده لو فرته ح يوقع ميه و ألف....
و حواجبى محرقصاهم على شكل هلاليين..
هلال لأول الشهر و هلال أغمز بيه...
و درعاتى مرمر مش محتاجه لأساور دهب دى محتاجه لألماظ و سولتير...
و بياض بشرتى ينور فى ليالى ما فيهاش قمر و لا نجوم...
ده القمر يلفندى بياخد نوره من نور عنيه ألأتنين...
و البحور اللى على الشطئان تنزل انت تعوم فيها و تطلع سليم...
لكن بقى بحور عنيا تنزلك فيها غريق و لا تطلع منها تانى و لو من بعد سنين
و روحى حلوه تشفى القلب العليل...
و ابتسماتى سحرانى وليها سن لولى يلألأء فى العين....
و شفايفى تسكب فيها الخمر فى كاس تشربه تعطش....
وتقولى قلبي عايز كمان والنبي تسقيه ...
حاسب ياوله حاسب و شوف أنت بتكلم مين...
ده أنا رمشى اللى هوى أذا ماصبشي يجرح ملايين...
و أنت مش ح تلاقى طبيب يداويك...
و روح من قدامى دنا ليا حبيب تانى بيستنانى...
كل ألأوصاف فيه اللى قولتها ليك على رمش عينه بتميل...
وشبشبي بيطرقع فى أيدى عرفت بقى أنت بتكلم مين هاه قلت بقى أيه...
حاسب ياوله حاسب و شوف أنت بتكلم مين...
ده أنا رمشى اللى هوى أذا ماصبشي يجرح ملايين...
و أنت مش ح تلاقى طبيب يداويك...
مع تحيات شاعر الوجدان الشاعر السكندرى / على الطاووس