الخبر ده نزل على دماغ العاملين فى الاعلام كالصاعقه ولحد دلوقتى محدش فاهم حاجه خصوصا لما قبلنى احد مديرى العموم بقطاع الانتاج وهو بصراحه مطلقه من اصحاب الايادى المرتعشه يعنى بيطبق مثل" اربطه مطرح مايريد صاحبه" ولمؤخذه. يعنى ولا بيهش ولا بينش ولكنى اندهشت لما لقيته واخدنى على جنب فى بهو التليفزيون قبل ما اركب الاسانسير واطلع فوق ولقيته عمال يتلفت يمين وشمال و بيقولى سمعت خبر تعين روايه بياض خبيره اعلاميه لتقيم اعمال اسامه الشيخ اللى انتاجها. قولتله لا اول مره اسمعه.ثم استطرد قائلا وبعدين هى مش الست دى قامت الدنيا ومقعدتش علشان تمشى من القطاع لانها كانت محسوبه على النظام القديم واللى الناس متعرفوش انها فعلا تركت منصبها لكنها كانت فى اجازه بدون مرتب لحين خروجها على المعاش وجابوا محمد عبدالله قائم باعمال رئيس القطاع والسؤال هنا بقى لما الست دى مشيت علشان سوء اداره اوغيره يبقى ازاى بقى يستعينوا بيها فى تقيم فتره هى اصلا كانت مشتركه فيها بصوره او باخرى مش بزمتك حاجه تجنن ولا ايه . عندك حق واللى صدمنى اكتر انها مخرجتش زى ما قالوا انما كانت فى اجازه وده فيه نوع من انواع عدم المصارحه او المكاشفه اللى مفروض تبقى موجوده بعد الثوره وبرد ليك حق فى مساله انها كانت جزء من الفتره اللى موجود فيها اسامه الشيخ واحد قياداته فى الاعلام يبقى بردو شاهدتها مجروحه المفروض يبقى فيه حد موحيد يتسال علشان الناس متلومش على المجلس العسكرى . بص يا استاذ المشكله ان فيه حتى بعد الثوره ناس لسه مسندوه لحد لوقتى منهم الاتنين دوال روايه و محمد عبدالله وبالذات الاخير لانه كان شئون ماليه يبقى ايه علاقته بالدراما ولا ان الحكايه هى كده بالوسطا كان فيه اللى احق من الاتنين دوال .قصدك مين . فى ست محترمه جات القطاع وفى وقت قصير قدرت تغير مساره وهى اللى ايدت فرصه لابنائه ولعلمك اقدم نائب فى القطاع وحتى كانت اقدم من روايه بس هى تخطيتها ووصلت للمنصب زى بالظبط محمد عبدالله ولانها محجابه لم تنال قبول القيادات السابقه وعلشان كده استبعدت .مين هى دى. امال مراد .اه مش دى بتاعه مشكله البر الغربى والفوازير . ايوه هى دى بس ما كنتش لوحده دى كانت معاها اتنين رؤساء قطاعات وكمان وتلاته مديرين عموم وبالرغم من كده كلهم فضلو فى اماكنهم ومنهم اللى طلع معاش واللى مات وهى الوحيده اللى اتجمدت فى مكانه بالرغم من ان النيابه حفظت الموضوعات كلها اللى انا عايز اساله بقى هى مش الثوره اتعملت علشان نخلص من الوسطا وكل واحد ياخد حقه بس تعرف عمرنا ما ها نتقدم طول ما فيه الاجهزه القديمه اللى بتتحكم فى كل حاجه دلوقتى لسه بتشتغل بنفس قوتها القديمه .قصدك ايه .وفجائه قطع استرساله فى الكلام واحس بصدمه شديه من انه تحدث بكل هذه الصراحه فاذا به يهم ليتركنى وانا اطلب منه طيب فهمنى طيب احيائه او ايمائه اى حاجه علشان افهم حاجه . انا مضطر اسيبك علشان عندى شغل ومتاخر وبصراحه انا مش عارف ايه اللى احنا قولنها ده ولا اتكلمنا ليه اصلا لاننى مش فاهم حاجه اسيبك فى امان الله وبالفعل تركنى وذهب ولكنى اسال نفسى ماهى الاجهزه التى لازالت تتحكم فى البلد و جعلت الناس حتى بعد الثوره تخاف وسوف اطرح هذه السؤال على القراء يمكن حد يقولى لانى مش فاهم حاجه خالص بس خلاص ابو خضر الهوارى