شوفت عيونك
توهت أنا فيها
سحرونى الرمش والننى
خطفت قلبى بسحر عنيها
سَرحت بخيالى بعيد
شوفت فيها كل الأحلام
همس عنيها شايفوا عنيد
وشوفت فيها حنين وغرام
همسها راقى بشكل فريد
لها تسبيله بكل هيام
شوفت فيها قلب شريد
دمعه بتصرخ من الآلام
والشوق يتسرسب ف جفونها
والقلب سهران م بنام
بحياء البنت الشرقيه
همس العين بتقولى بحبك
وصمت البنت الشقيه
بتقول قلبى مناه يضمك
وأنت فاهمنى وأنا فهماك
مش ممكن بلسانى هقولك
باين ف عيونى الغرام
حاول تخرج من صمتك
سيب إيدك تحضن إيديا
وقول كل اللى ف قلبك
( أسامه جديانه)