الفجر لاح )))
***************
قومى يا طابا اتمضمضى
وانهضى واركعى
واسجدى
واما الصلاه تنتهى سلّمِى واتبغددى
واما الصلاه تنتهى سلّمِى واتبغددى
قومى يا طاهره هزّى نفْسك
خلى نفَسك
رِيح ومدفع
واللى يدفع
عُـمره ما يهزش ضفايرك 
***
قومى يا طابا انتى اللى فوق جَبَلك
تجلى ربنا
انتى اللى ذكرك ربنا ..
فى قلب الكتاب
انتى اللى قال عنك رسولنا المصطفى
خير أجناد فى البلاد
ولسه من يومها فى رباط
انتى اللى ربنا سمّاك ..
با اسمك
هو اللى حدد موقعك 00
وشكل رسمك
هو اللى قال انك أمان
هو اللى قال خيرك كتير
هو اللى قال زيتون وتين ..
وجناين الرحمـــــن
***
قومى يا اللى فيك جبل
نور الإله شرّفه
قومى يا ام النيل ..
ويا ام الضفه والقنال
النصر ديما من نصيبك
مفيش مُـحال
***
قومى يا طابا احنا غلابه
بس ساعة الجد نبقى
أرباب اسود فى وسط غابه
والكلاب يبقوا ديابه
***
قومى يا طابا غسّلى بالنور اديك
واتمضمضى بدم الشهيد
دا العُـمرى ضليله عليك
***
قومى يا طابا استنشقينى صوت بارود
وان لونى تاه وسط الضِيا
ها ابقى رماح
قومى يا طاهره الفجر لاح
****
شاعر القريه
فيصل بدرأعجبنيعرض مزيد من التفاعلاتتعليق

التعليقات

اكتب تعليقًا...