مسجاتنا
نَرسِّـــــــل ليــكَ مسجاتنا ونكتب فيكْ كتاباتنا
نحب تقراها في الفيس بوك وتعمل لينا لايكاتنا
---------------&&&---------------
بوستاتَك تفـــــــــــرحنا وتعليقاتَك السـمحات
نشـوف تعبيرك الفـنان بيتوسَّد علي الصفحات
ونسرح نحن بالشوفة تروح أيامنا في الدهشات
---------------&&&---------------
بَسْ طــــــولنا مـــــــا شُـــــفناك ومتمنين تلاقينا
نساهر الليل عشان بالصـدفة نلقاكَ نحيكَ و تحينا
وتــــــــبقى حياتـــــــنا أحلى نغم وتِتعــــطَّر ليــالينا
---------------&&&---------------
ندور نحضن بروفايلك نباشر للحنين لِنْكَات
ونرسم ليك آمالنا تلوِّن لينا بالبسمات
تزغرد زين أماسينا ويِنْشَرَّ الفرح واحات
---------------&&&---------------
أنـحنـا بلاك ما بنسوى ولا الفيسبوك بيحلوَّى
ويوم ما تبقى أون لاين بنبكي عليك ونتلوَّى
عشان دونك حياتنا حزن وشوقنا بلاك بتشوَّى
---------------&&&---------------
إنت سمانا إنت هوانا إنت منانا يا سيدنا
إنت فرحنا يوماتي بشوق نرجاك زي عيدنا
بقربك تصفى أنفاسنا وبهمسك يحلى تغريدنا
---------------&&&---------------
علـيـك وبـــس عـليـك الله مــا تمـشي و تـخلينا
وجـودك جــد بِيحْينا والــحالات تـــروق ليــنا
نـحنا هـواك و نـحن معاك ونحن فداك يفدينا
---------------&&&---------------
إنت رؤانا و أحلامنا ياريتك لو تلاقينا
ونِتْحلَّف عليك يمين لا بننساك ولا نسينا
ولو ما شالتك دنيا نشـيلك جوه عـينينا
---------------&&&---------------
تغيب تبكي الليالي جراح ومِن بَـعْدك محال نرتاح
إنت حياتنا سيد الريد نحب نلقاكْ مَسَاء وصباح
ونتنعم في قربك دوم وبيك عمر الفرح ينداح
---------------&&&---------------
أريتك مرة تغمرنا وتعـرف مرة أيـه مقـصود
نصرح ليك عن حالنا وعـن عمرا بلاك مـفـقـود
وعن شوقنا الشقاو لا حد وريدنا الفاتن الغدود
---------------&&&---------------
نخطك اصْـدق الكلمـات تعلَّي جسور توصل ليك
ولـو ناديت كـتابـاتنا حتلقا كتير بيرجع ليك
زي وصـــفك وزي اســمك وزي آمالنا في عينـيك
ساحة النقاش