يا حنونة
شان ملامحِك فيني خالدة أبقى بيك ملهم زمنا
شان عيونِك أغلى ماسات أي غريد ليك غنا
كان مِن البسمة انصهاره و جُوا وترِك فيه رنا
مِن وداعتك يا حنونة رَقَّ حرف الريد وحنا
-----------------***-----------------
والضفاير الشاردة منك كل مَن لاقاها جنا
ما السواد الفيها حالك إلا حالك بيو تجنا
واللهيج الطعمه حالي والنهيد كمل صبرنا
والعيون الناعسة راحت والبفتش كان عمرنا
-----------------***-----------------
روحي بيك يا غالية تسمو وفي جمالك سوح سفرنا
نفسي جمبك تحضنيها ومِن سلاف طيبك سكرنا
تبقِــي لي غادة غرامي ويبقَــى صدق الريد مهرنا
يبقى دفق النيل مسيرك ويبقى ضي عينيك قمرنا
-----------------***-----------------
جيبي صندوق الأماني الفيه آمـــالـــنــــا وســمــرنـــا
عندي مفتاح سره فرحة ومِن سحاب الخير مطرنا
نسقي مدن الحب محنة والدعاش نسمة عطرنا
بالتسامح و التفاني و بالثقة نكون قد عبرنا
-----------------***-----------------
ياكي ست الريد طعيمة لو ودادك يوم يصلنا
بيه حني علينا حني شوقنا مِن بعدِك سجنا
تهنا ما سمينا رحنا متنا مِن دونَك أجلنا
ماكِ غلطانا بجمالك لانا بندوِّر عجلنا
-----------------***-----------------
أصلو ما حبينا غيرنا إلا جورنا وما أمرنا
كان بندفع دين عمايله محض راحتنا وسهرنا
و الكتار قبالنا فاتو كانو آلام شوك نحلنا
شان نجيب مِن عشه ريدة فيها قسمتنا و قدرنا
ساحة النقاش