<!--
<!--
ومين فينا بعيد عالهم
ومين فينا لغيره اهتم
ومين فينا عايش بلا ذم
وواعى ان الكون لزوال
ومين فينا يقول مقسوم
ومين فينا لرزقه عَلوم
ومين فينا بيعجب قوم
وشاكر ربه على ادى الحال
ومين فينا فى حياته غريب
ومين فينا مالهوش حبيب
ومين فينا جراحه تطيب
عايش فيها رحيل جوال
ومين فينا يقول ظالم
ومين فينا خرج سالم
ومين فينا يتوب نادم
يقول توبه يارب وصال
ومين فينا يحن ويعطف
ومين فينا ...لورده مايخلف
ومين فينا ..لصدقه مايحلف
عطوف قلبه بخير او مال
ومين فينا عاصم نفسه
ومين فينا ابليسه ده حبسه
ومين فينا ..طهور بملابسه
زاهد جدا ماهو مختال
ومين فينا يحب نبيُّه
ومين فينا عايش زيُّه
ومين فينا مُريد ضيه
مصلى مسلم حبيب للآل
