شربي يا ارض الخضرا
ندى أمين الاعور – لبنان
طلعت شمس الصبحية
بحرارتها القوية
نورا سبب للحياة
لاءلنا وللنباتات
ولما هالشمس بتعطش
بتشرب حتى تتنعوش
والطبيعة الكريمة
بتسقي الشمس العظيمة
من مية المحيطات
بحورة نهورة وبحيرات
والبخار كتير منيح
بيتعربش عحبال الريح
بيكوّن جبال غيوم
ببحر الفضا بتعوم
ولما الغيمة تتفركش
تراب الأرض بينعوش
غيمة زائد جو وبرد
يعني الشتا بدو يرد
والبخار بيرجع مي
تشتي علينا شوي شوي
وشمس الصبح المضوية
تصير تغني غنية:
"شربي يا ارض الخضرا
نطريني برجع بكرة
وأنت يا جو المدينة
نظاف نظاف من الغبرة"
