السلام عليكم ورحمة الله وبركاته
*•*´¨`**´¨`*•*´¨`¨`*•*
بالنسبة بس للعلاقة ما بين ميدان التحرير وبين وقف حال البلد
ماهى علاقة ميدان التحرير باللبان اللى تحت بيتنا او البنوك او الشركات او المحلات او المواصلات فى بقية الشوارع ؟
ما هى علاقة ميدان التحرير بعدم ظهور الشرطة حتى الان وممارسة مهامها تجاه ضبط الأمن ؟
ماهى علاقة ميدان التحرير بغلو الأسعار لأن ده موسم كما قال أحد التجار ؟
ما هى علاقة ميدان التحرير بحظر التجول اللى اتعمل أساسا عشان المجرمين اللى خرجوا من السجون بسبب الخيانة مش عشان المظاهرات ؟؟
كلام بيتردد وخلاص دون مشاركة فى الحوار وبهدوء
أنت متضايق من بتوع التحرير ليه يقولك واقفين حالنا ده على أساس ان شغل ال 80 مليون فى ميدان التحرير
*•*´¨`**´¨`*•*´¨`¨`*•*
طيب هل انا موافق على اللى فى ميدان التحرير ؟؟
أنا موافق ومعترض
موافق إن يكون فيه قوة ضغط أو زى ما تقولوا رماد يفضل موجود حتى يتم تنفيذ القرارات ومحاكمة كل فرد تسبب فى ضياع البلد ديه وفى قتل اخواتنا بالصور البشعة اللى حصلت قصاد عينينا
لأن أنا مقتنع إن لو الناس كلها هديت زى ما بدأت أشوف وإذا حصل بعدها إن مافيش حاجه اتنفذت
ساعتها بكل قوة أقول اننا هنتسئل قصاد ربنا عن دم هؤلاء الشباب اللى ضحوا بنفسهم عشانا وعشان البلد
معترض : معترض إن ده برده يكون سبب فى وقف الاشغال اللى من الممكن تتحل مع وجود كتلة الضغط ديه برده
*•*´¨`**´¨`*•*´¨`¨`*•*
ياما حصل اعتصامات وياما فى الشوارع والبلد كانت ماشية ممكن برده نعمل ده بس مع التنظيم والتعقل
إنما أسمع إن فى ناس بتقول ياعم مايضربوهم بالنار ويرحمونا , فبكره هنعرف قيمة الكلام ده أوى
وهنعرف الناس ديه عانت أد إيه وبيعملوا شىء انا مقدرش أتحملوا زيهم وكل ده عشان البلد مش عشان وجبة كنتاكى او عشان دسيسة
*•*´¨`**´¨`*•*´¨`¨`*•*
الخلاصة إننا نرجع لأشغالنا والشرطة ترجع لأماكنها ونعاملها بكامل الإحترام مادام هيبقوا محترمين فى التعامل
واللى فى التحرير مادام قادرين يصمدوا ندعيلهم بالثبات أكتر وأكتر
وكفاية تأثر بالآراء المتفبركة اللى خلاص كلنا متأكدين إنها متفبركة
وربنا يهدينا جميعا للحق يارب بدون تعصب ولا كره لبعض
