تحرير وللا عباسية ؟؟؟؟

ليس هذا السؤال لمعرفة اتجاه اتوبيس لتركب او تشير لتاكسي لتصل اسرع .. هو مزيد من الفرقة

وفي الاخر تكون النتيجة هروبنا من حالنا الذي نعيشه من اقرب باب الى حلم او حتى وهم بغد افضل

مؤكد لن نعود للخلف ... نتعلم ان نبحث ونقرأونفكر   بعد حرماننا من استخدام آمن لالة التفكير الابجهود فردية مضنية .. اما الجهود المؤسسية التي كانت ممنهجة كانت تدعو فقط لانهيار الة التفكير..

لكن مهما حاولوا يفرقونا  .... احنا واحد .. شعب واحد.. وطن واحد .. عايشين عليه .. مش هنمشي منه ولا هنغيره.... احنا بكل اشكالنا والواننا .. غني وفقير.. غفير ووزير... .. قبلي وبحري .. بدوي وحضري .. احنا مجتمع كامل غني بكل تنوعاته ... مجتمع ثري حافل ...  وعشان ما ينضحكش علينا في اتجاهات تفرقنا لصالح مصالح شخصية .. لأ .. لأ

تعالوا نتعلم .. ايه التنوع وميزاته .. وازاي تتم ادارة التنوع بطريقة تحقق مصالحنا كلنا

ودي بالتفصيل مجموعة حلقات عن الموضوع اسمحوا لي تنزل كاملة كما هي بأسئلتي واجابات ضيفي واسئلة المستمعين ... في تجربة يارب نستفيد منها كلنا .. لو ما عندكش وقت تسمع راديو ممكن تقراه ...  

الحلقة الاولى في ادارة التنوع

ﺇدارة التنوع 

د / نادية النشار

المقدمة: ش شباب دينا فايد و أحمد أمام النهاردة بتكون معانا زميلتنا هبة الشرقاوى بنرحب بكي يا هبة ش شباب معكم النهاردة و موضوع جديد في التنمية البشرية.

هل أنت مواطن في بلد و بلدك بتحميك فى أى مكان.؟؟؟ مواطن مهما كان شكلك و لونك مهما كان ثقافتك مرجعيتك مهما كان اقامتك أنت مواطن؟؟؟؟. هذا المواطن تحميه الدولة في اي مكان تحت اي سماء و فوق كل أرض..... هذا المواطن تناشد حكومته تسهيل مهمته فى اى مكان..... الجمل دى بتسمعوها هنا ...

و لا بنسمع الجمل دى ؟؟

: لو فقدت اى ورقة من أوراقك أحنا مش مسئولين.... لو ضاعت,  باظت ,,وقع عليها نقطة مياة وقع عليها نقطة حبر,, أنت اللي تحت التهديد. ..مهما كان شكلك و لونك مهما كان ثقافتك مرجعيتك مهما كان اقامتك مهما كنت يا مواطن مواطن؟؟؟؟.

بتسمع الاولى و لا بتسمع التانية.؟؟؟؟ تابعونا و ش شباب.

 كمان لما دولة تكون عريقة بحضارات و ثقافات متنوعة..... لما دولة تكون قدرت تدوب خلافات كل اللي جالها و قدرت تستوعب كل الحضارات و الثقافات و قدرت تحتفظ بنفسها.... أى عبقرية لاي دولة؟؟؟. التنوع في بلدنا،.. ادارة التنوع فى بلدنا،.. ازاى نقدر نستفيد بحالة التنوع ازاى ؟؟؟ ميكنش التنوع اللي بتتمتع به دولة زى مصر. لما تكون في مكان تشوف مليون حاجة اسمها فلكلور شعبى تلاقى فلكلور شعبى مختلف لما يكون فى سيناء مختلف لما يكون فى النوبة مختلف لما يكون فى بحرى فى قبلى مختلف لما يكون فى كل حتة فى بلدنا مصر؟؟. ازاى التنوع دة يبقى ميزة و ازاى التنوع دة احنا ممكن نقلبه لعبء زى ما قلبنا حاجات كتيرة فى فترات سابقة لعبء.؟؟؟؟

  ٳدارة النتوع  في حلقتنا

تابعونا على كل وسائل الاتصال بينا و بينكم على صفحاتنا على الفيس بوك الصفحة الرسمية للشباب و الرياضة ١٠٨ كمان على الصفحة اللي بنتناقش عليها طول الاسبوع http://www.facebook.com/nadia.elnasharshababshowww أو اللينك بتاع الفيس بوك متبعنكم متواصلين   بلد جميلة زى بلدنا مصر اللي كلنا بنعشق تراب أرضها مبنقولش هو شوية التراب دول جايين منين ؟؟جايين من الوادى و لا جاين من الصحراء،؟؟ جاين من قبلى و لا جاين من بحرى؟؟؟. تراب مصر هو تراب مصر فى كل حتة فى كل حتة فى مصر فازاى مواطن مصر ميكونش مواطن مصر فى كل حتة فى مصر؟؟؟، ملفنا النهاردة ادارة التنوع هنفتحه على مدى كذا حلقة من حلقات ش شباب كمان هيتاح مكتوباً و مسموعاً على صفحتنا shababshow لمن يهمه الامر و الاطلاع على ادارة التنوع جوة بيتك... تنوع جوة شغلك ..تنوع جوة دولتك .. في تنوع ازاى تستفيد من هذا التنوع و تستطيع استيعابه و التعامل معه....؟؟

 اسمحولي ارحب  بالدكتور عصام خليفة خبير التنمية البشرية و التدريب بارحب بيك يا دكتور .

د / عصام خليفة :

 اهلا بيكى صباح الخير.

د / نادية النشار:

دكتور عصام خليفة  يعنى ايه تنوع ثم يعنى ايه ادارة التنوع و احنا فين من التنوع و ادارته.؟؟؟؟

د/ عصام خليفة:

التنوع هو ظهور أنماط مختلفة سواء من البشر أو من السلع لما بنقول تنوع بنعنى الاختلاف شكل الاختلاف الاختلاف الشكلى او الاختلاف فى الاعماق و ادارة التنوع موضوع كبير جدا يا نادية مش بس فى ادارة المؤسسات و فى ادارة بلدنا دة حتى فى التسويق فى الشركات المتعددة الجنسيات فى اى تجمعات احنا ممكن نتعرض فيها لانماط مختلفة من البشر يعنى احنا لما اتكلمنا حتى فى موضوع اللى هو مواجهة المجموعات أو التحدث امام مجموعة كان فيه جزء كبير جدا من أنماط الشخصيات اللي فيها تنوع و كان فى مفهوم لادارة التنوع . ادارة التنوع موجودة في البلاغة العربية القديمة فى  مهارات التواصل لكل مقام مقال دة نوع من ادارة التنوع لان الـ levels  المستويات بتختلف و دة نوع من أنواع التنوع لكن طبعا أنا باعتقد أن اكتر تنوع احنا ممكن نهتم به اوى و هنكون مهمومين به التنوع فى الشارع المصرى سواء التنوع فى الثقافات التنوع فى الايدلوجيات التنوع فى الاتجاهات الفكرية، فخلينا نقول التنوع هو الاختلاف و ادارة التنوع كانت هماً دائماً يشغل المؤسسات و يشغل كل من يدير مجموعة من الانماط المختلفة سواء كانت هذه الانماط أنماط شخصية أو أنماط شيئية حتى على مستوى التسويق

د / نادية النشار:

التنوع يا دكتور ميزة و لا عيب؟

د / عصام خليفة:

هو التنوع حتمى يعنى اى مجتمع هو لازم يكون فى تنوع فاحنا لازم هنقول انه ميزة و لكن ممكن ينقلب الى عيب يعنى بالظبط زى ما حضرتك بتسأليني كدة أقولك الاكل دة شئ كويس و لا منكولش؟ لا دة مطلوب أننا نأكل عشان نقدر نمارس حياتنا و نشتغل لكن الاسراف فى الاكل ممكن يتحول الى تخن و ممكن يتحول الى سكر و ممكن يتحول الى امراض كتيرة جدا فهو التنوع هو ميزة و لكنه قنبلة موقوتة فى بعض الاوقات اذا اسئ استخدامها و قنبلة موقوتة اذا اراد البعض ان يسئ استخدامها.

د / نادية النشار:

اذا اراد البعض ؟؟؟ يعنى ممكن فتن تثار تبقى ضد التنوع و لا ممكن بدون فتن يبقى فى حالة صراع مع هذا التنوع.

د / عصام خليفة:

هوالتنوع أقرب طريق لاثارة فتنة يعنى من اكثر الطرق لاثارة فتنة هو صناعة الاخر يعنى عشان أعمل صراع بين مجموعات لازم أصنع الاخر أنت نادية حاجة و عصام حاجة تانية فلازم يبقى فى أخر فالاخر يبدأ من التنوع ان انت مثلا زي ماكان حتى بيحصل فى قصة الزنوج فى أمريكاamerica.Euro / america.Afro فتبدأ تنشأ الصراعات لانه يستشعر أنه الاخر و تبدأ تعمل تسليط على الاحساس بالظلم و الاحساس بالاضطهاد و نفس الكلام بيحصل داخل المؤسسات يعنى ادارة التنوع ساعات بيقوله ان المرأة مضطهدة داخل المؤسسة فمش بتترقى فيبدأ يبقى فى صراعات مش منتشر اوى موضوع الرجل و المرأة كصراعات لكن اكتر الصراعات اللي بتنتشر داخل المؤسسات الـ  multinational لو انت بتشتغلى فى بلد معينة و فى مجموعة من أغراب أو من بلد أخر فى حاجة بيسموها StereoTyping يعنى يقولك مثلا الصعايدة كذا بتوع المنوفية كذا الــ StereoTyping من أخطر الاشياء هو ساعات بيدى حكم حقيقى و ناجح و لكن أحيانا بيستخدم لاثارة الفتن و أحيانا بيستخدم لاصدار أحكام مسبقة ممكن متكونش عادلة فكل دة داخلات لادارة صراع من خلال التنوع أنت مضطهد أنت قبطى مضطهد أنت اخوانى مضطهد

د / نادية النشار:

أنت ليبرالى أنت علمانى.

د / عصام خليفة:

أنت ليبرالى كافر و بالتالى الشارع مش هيفهمك ، طرق كتيرة جدا لصناعة الاخر.

د / نادية النشار:

أنت سينائوى أنت بدوي.

د / عصام خليفة:

أنت صعيدي و ذكائك معرفش ايه اللي هي النقط اللي بتتطلع طبعا حاجات ممكن تكون خالية من الحقيقة أو بتحمل بعض الحقائق لكن هى فى النهاية بتصنع الاخر و هذا بداية الصراع الصراع دايما أن ننظر للاخر على أنه الاخر و نتعامل معه على أنه الاخر دي دايما بداية الصراعات و دى دايما بداية الصراعات داخل المؤسسات عشان كدة تلاقى دايما الشركات تبقى حريصة جدا على ان احنا نقول احنا teamwork احنا كلنا مع بعض مفيش أخر.

د / نادية النشار:

ازاى بقى احنا نكون teamwork و حتى فى بيوتنا ازاى نبقى team  بيوتنا كمان فيها تنوع نلاقى فى ابن بشكل و ابن تانى بشكل تلاقى فى الاب له طبع الام لها طبع ما هى دى التنوعات.

د / عصام خليفة:

هى الاسرة أو المؤسسة اللي بتدار صح أو الدولة اللي ماشية بشكل جيد هو بيجمعهم هدف مشترك و الهدف المشترك بيحطم فكرة الاخر أنت عارفه يا نادية فكرة لما احنا نكون مهمومين بهدف تلاقى الناس كلها تتجمع لغاية  لما اتتحقق هذا الهدف أول لما تتحققه يبدا كل واحد يفكر فى نفسه و يبدأ الاختلاف فهو فكرة الهدف المشترك من اكثر الاشياء التى تضمن أن يقترب الاخر من الاخر أو نبقى احنا كلنا أعضاء فى فريق فبقى فى شئ بيجمعنا حتى لو اختلفت أفكارنا او اختلفت توجاهاتنا هذا الشئ هو عضوية الفريق يعنى نادية مبقتش الاخر خلاص نادية بقت عضو في الفريق اللي أنا فيه و انا مبقتش الاخر أنا بقت عضو في الفريق بتاع نادية لغاية لما تتنتهى زهوة الهدف المشترك أو يتحقق الهدف المشترك نبدأ تانى نستهلك طاقاتنا

د. نادية النشار

عشان كده لازم نجدد الهدف .

الى هنا ينتهي الجزء ده من حوارنا

:)

لو الجزء ده حقق استفاده نكمل ؟؟ شاركونا