هل االافضل فى التنوع تغيير الافكار فى نفس الاشخاص لضمان الاستقرار أم تغيير الاشخاص و الاعتماد على نفس الافكار لضمان النجاح و يمكن يعنى هندخل فى نقطة تانية كرويا دكتور عصام لو حضرتك تسمح لى بنقول مثلا الاهلى و تزلزل مستواه حاليا صدمة للجماهير هل لانه يتم الاعتماد على افكار قديمة ومع دخول لاعبين جدد مفتقدين الانسجام عندما حاول المدرب تغيير الخطة لم يرتقى مستواه للافضل و قيس على كدة الشركات و المؤسسات فما هو الافضل فى الارتقاء بالمستوى تثبيت الافكار و تنوع الاشخاص أم تنوع الاشخاص و تثبيت الافكار أم تغيير الاثنين معا و شكرا
هذا بالنص سؤال لاحمد وهومن مستمعي الاذاعة وكانت الحلقة حول ادارة التنوع
تأكدت من السؤال ان هذا الوطن آمن بشعبه وباق بحضارته التي كنت اعارض من يقول ان الحضارة تغلغلت في جينات الناس .. في مصر والمصريين
اما الاجابة فتابعوها والاجابة هنا للدكتور عصام خليفة خبير التنمية البشرية والتدريب قال :
انا هاختصر هاحسم فى جملة هو تغيير الاتنين و احنا اتكلمنا فى حلقة من فترة عن موضوع مانويل جوزا و النادى الاهلى و التغيير مطلوب و لا الاستعانة بالخبرات مش فاكر انت فاكرة الحوار دة و لا لا يا نادية و فعلا كنا احنا كلنا اميل الى فكرة التغيير لان التغيير حتمى و دى قولنها حتى لو كان الشخص الموجود كويس يعنى فى دايما حتمية للتغيير فهو الاجابة ببساطة شديدة هو تغيير الافراد و تغيير الافكار و التغيير لازم يبقى دورى الـحتمية والضرورة هنا لان الافراد لو فضلوا مش هتبقى مسألة ثقة بس يا أحمد يعنى مش بس هنفقد الثقة , دة هو كل شخص بيبقى له capacity او له قدرة معينة ان هو ممكن بعد الفترة دى يفقد حماسه هو نفسه يفقد حماسه حتى لو هو شخص qualified هو نفسه يفقد قدراته و يفقد ابداعاته لو متنقلش لمكان اخر فانا مع تغيير الافراد و تغيير الافكار مع نفس الافراد مع تغيير بعض الافكار... يعنى هنكون دايما مع فكرة التغيير لان التغيير هو ديناميكية الكون و يمكن كلمة انا دايما بارددها مفهوم الاستقرار Dynamicمفهوم الاستقرار فى الحركة و ليس فى الثبات
الحلقة كاملة سأضعها هنا خلال ايام
د.نادية النشار
