شيطان ملثم
شيطان ملثم ف ايديه سلاح
عامل ملاك .. فـــ عنيه هلاك
.... والشر عنده مستباح ....
جاى يطبق شرع سيــده
ويلاقي كل الناس عبيـده
بــ ورقــــــة خضــرا تتباع نفوس
وفـ كل خطوة ع النـــاس يدوس
ده شيطان ملثم فـ ايديه سلاح
في شرع مين تقتل وتحرق
تقول كلام وحميـر تصـــــدق
اخترت صح ومــش هتفـــرق
في شبر مية النـاس هتغرق
البس ســواد خبي وشك
وري العباد حقدك وغشك
اقتل ودمــر يـــابن داعش
اسجد لسيدك دمَّر ف عِشك
يا عم سام .. هدِّيك وسام
حرِّيف بجــــــد و لعبت صح
..فـــــــــرَّق تســـــــــــود ..
ماهي الاسود ضميرها مات
ياعم سام .. الدور عليـــك
تيجي تصيده هيصيد عنيك
وبكــــرة قرَّب ومش بعيـــد
مـــات الكــلام يا عم سام
وليد المصري
