جارى التحميل
استخدم زر ESC أو رجوع للعودة
-جوا مني شيء مشوه
حاجه أشبه باكتئاب
باجي أهرب أو أتوّه
ف ألقى حزني فاتحلي باب
*يا أبني كل الكون دا بحر
و أنت فيه مركب شراعي
و لو أمنت هيبقى نهر
ف خوفك أنت ملهش داعي
-بس بكره مش معايا
مش ناويلي باينه خير
بألقى كل الخوف ورايا
و المخاوف غول كبير
*بص يا أبني للحياه
تلقى جنب الدمعه بسمه
شيء طبيعي تلقى آه
بس بعد العاصفه نسمه
-نسمة إيه .. روّق يا أبونا
دا أحنا هنموت م العواصف
و الفرح ماشي بصابونه
حتى فرحك شكله عاصف
*بس فكر .. تلقى حلمك لسه ماشي
و أنت لو خوفت النهارده .. هتقتله
-ماشي ؟! .. طب يا سيدي ماشي
بس حلمي مات زمان .. لما قولت أحتاجتله
