**كلمه بحبك**بقلــــــم: عـــــادل الشـــــــهـــــابى**

كلمه بحبك
كلمه بحبك لو مش ليه هتكون لمين ...
ليه ساكته وعامله حساب اللايمين ...
اللى عن سيره الناس مش ساكتين ....
حبيبتى تعالى وسيبك منهم ...
تعالى وسيبك من الحقد اللى فى عيونهم ...
تعالى ده حبنا هو اللى كايدهم ....
يا لايمين ليه على حُبنا بتلوموا ....
لو تعرفوا تعملوا زينا يلا أعملوا قوموا ...
ولكن قلبكم مليان بهمومه ...
قلوبنا أحنا بالحب مليانه ...
عاوزين نفرح ونفرح الكل معانا...
ونقسم على حبايبنا الحُب اللى جوانا ...
يا لايمين علينا بلاش تلوموا ...
ده القلب خلاص فرح وبعد عنه همومه ....
حبيبتى تعالى نعيش ونرتاح ....
والهم نسيبه وأيامنا تكون أفراح ....
بالحب ترتاح أيامنا ....
و بيه نحقق كل أحلامنا ...
بنحلم وأحلامنا ورديه ....
وأنت يا حبيبى الضى لعنيا ...
وأنت فرحه أيامى اللى جايا ....
وأنت على لسانى أجمل أغنيه ....
حبيبى تعالى وسيبك من كلام الناس ...
يا أبو قلب أبيض و أغلى من الماس ....
تعالى وخلى عنيه عليك حراس ....
كلمه بحبك لو مش ليا هتكون لمين ....
بقلــــــم: عـــــادل الشـــــــهـــــابى