سيجال بين الشاعره مياده عبدالعزيز ..... وبين الشاعر خالد الكردى

سيجال بين الشاعره مياده عبدالعزيز ..... وبين الشاعر خالد الكردى
Eltaar Elgreh
هو علشان قولت بحبك 
تبيع ف قلبى وتشتريه 
هو علشان رضيت بقربك 
انت فاكر قلبى ايه
لاء يا شاطر خلى بالك
الدبله اللى شافعالك 
يلا اتهوى وروح لحالك 
قلبى انا الحق عليه
خالد الكردى
ليه كده قلبك بيقسي
بس انا ماياقدر انسي 
قصه الحب اللي بينا 
مش اساسها يبقي دبله 
انتي حب وغالي لية 
انتي قلبي ونور عينيه 
ليه كده بس بتقسي
وعاوزه حبي يكون ضحيه
Eltaar Elgreh
انا مش قصدى اهينك 
دبلتى ليسه ف يمينك 
اسمى مكتوب على اليمين 
ورسمى مرسوم ف الشمال 
جوه قلب صافى جدا 
قلب اجمل م الجمال 
بس طبعك انت قاسى 
كل ساعه تجيلى ناسى 
العهد اللى عشنا ليه 
انا والله بحبك 
نفسى اعيش العمر جمبك 
بس وصى عليه قلبك 
وقوله ليه بيجرحنى ليه
خالد الكردى
قلبى حبك من زمان 
يوم ماحس بالامان 
لما كنت اشوف عيونك 
كنت حاسس بالحنان 
يبقي ليه هاقسي عليكي 
وانا اللي عاشق لون عنيكي 
قربي مني وتعالي 
قربي وهاتي ايديكي
Eltaar Elgreh
قلبى اللى عاشق مرارك 
جه لحدك عند دارك 
عاش ف ليل الغربه لكن 
ف الغرام لمح نهارك 
بس وحياه اللى كان 
والامانى والامان 
اللى كنت حاسه بيه 
قلبى زعلان بس منك 
ايوه زعلان منك لانك 
فكرت انه عبد ليك 
رغم انه عاش لحبك 
ف الغرام عاشق لقلبك 
بس مش صعبان عليك 
الحكايه مش ايديا 
ولا دمعه عايشه ف عنيا 
الحكايه انى عاوزه 
تبقى ملكى 
وقلبى يكون ملك لايديك
خالد الكردى
الحياه بالحب تحلا 
وانتي جمبي هتبقي احلا 
والورد بالحب تطرح 
واللي جاي هيبقي احلي
Eltaar Elgreh
الغرام يفرض عليك 
انى اعيش جوه ف عينيك 
الحياه مش بس ورده
ولا لمسه من ايديك
عيشت قلبى ف نار عذاب 
كل شويه يييعيش عتاب 
دبلت ورودى ف الكتاب 
والله ما صعبتش عليك
خالد الكردى
ليه كده بينا العتاب 
- قلبي داب كده م البعاد 
وانتي ليه ياحبيتي غاويه
تدوبيني ف العذاب 
قولت لك حبك ده غالي 
عندي قلبك نجم عالي 
هو سهرني الليالي 
من الحنان اللي في عينيكي 
لسه ماصعبتش عليكي
Eltaar Elgreh
انت ما تهونش عليا 
ف الغرام انت اللى ليا 
قرب لى بص ف عنيا 
تلقى شوقى جوه منها 
وخيالك ما غبش عنها 
قلبى دق ليك محبه 
عايش حبك حبه حبه 
يجرى بسرعه يستخبى 
اول ما يلمح عنيك 
وبحلفك بالله عليك 
اوعى تنسى عهد بينا 
جوه قلبى نار وجنه 
هفرش طريقك بالزهور 
واكون شبه بدر البدور 
وانقش ايديا نقش حنه 
نقشه لولى ونقشه فضه 
لجل ما قلبك ده يرضى 
واكون معاك وملك ليك
خالد الكردى
انتي لية وف حياتي 
كل عمري وذكرياتي 
وانا اوعدك حبك هاصونه 
طول حياتي وما هاخونه -
ربنا يفرح قلوبنا 
ويسعدك واقدر اصونك
مع خالص تحياتى وشكرى للشاعر القدير خالد الكردى 
وجميع قرانا الكرام لكم منى اجمل تحيه وتقدير واحترام