متسألينيش بحبك ليه ..
ــــــــــــــــــــــــــــــــــــــ
ولسه برضه هاتقاوحي
وهتقولي بحبِك ليه !
مهو انتي الأصل في ملامحي
وإنتي أحلى شيء فيّا
ولسه بتسألي جرحي !
ومش عارفه بأيه تداويه
مهو انتي عِلّتي وفَرحي
وإنتي كل شيء ليّا
ولسه بتمسكي كفّي
وتقري خط مرسوم فيه !
مهو انتي البسمة لـشفايفي
وإنتي الدمعة في عنيّا
متسألينيش بحبك ليه
ولا تقري خطوط كفّي
ده شيء ماقدرش ابوحلك بيه
دا دين في رقبتي وبوّفي
ياريت العمر يسمح بيه
دا حمل وشايله على كتفي
هجيبلك ألف عمر عليه
أخاف العمر ما يكفّي
متسألينيش عشقتك ليه
عشقتك بحر حنيّه
عشقتك حضن برتاح فيه
يا ست الحسن يا بهيه
بحبك مش هقولك ليه
وهفضل بيكي متدفّي
ولمّا يؤن أوان حدفي ،،،
ترابك تحضنه عنيّا ....
ــــــــــــــــــــــــــ
علي فرج
السبت 20 ديسمبر 2014 م
