اهلي نومة على الترب محد دفنهم
راح اروح لكربلا احفر لحدهم
قلبي يتلهب عمة يا زينب
***الليلة امشي لوالدي وبجفي احضنة ارد اشمه بمنحرة من قبل دفنة
شلون اغسلة شلون اجفنة والله حيرة كل كتر ما صاحي منه
كوة لميت بوصالة وقلبي ممرود بس بقة من عنده خنصر جنة مفقود
دمعي من دم صب عمة يا زينب
***
كمت اتوجه على صبري بين الاجسام حاير بهمي و يذري رماد الخيام
كمت ما ميز الجثث من كثر السهام هذا الاكبر مدري عابس مدري جسام
صرت اميز بالجثث من عطر الثياب اطلع سهامة وادفنة وبيدي المصاب
روحي تتعذب عمة يا زينب
***
عالطفل يا عمة قلبي نفذ صبرة الكماط مدمم ومكطوع نحرة
قلت مادفنه الطفل واحفرله حفرة من دفنت حسين خليته على صدرة
شلته بس من شلته مدري شصار بيه جنة طير وكام يتحاوم بدية
خاطري تصوب عمة يا زينب
***
شفت موقف عالشريعة يهز الاحساس جثة العباس لاجفين لا راس
شفت صدرة محفر من الخيل يا ناس كمت انوح والطم وانده يعباس
زينب تريدك عدل يا ماي العيون رادت تشوفك سواد وضرب المتون
والوضع اصعب عمة يا زينب
***
من دفنت احباب قلبي جوة التراب شفت روحي بهالوضع وتحله الاحباب
كمت ادك على الوجه راح الابو راح راح عني وخله بيه اعظم مصاب
راحوا الاحباب راحوا ما يجوني خلوا بقلبي المصيبة وفارقوني
والاجر قرب عمة يا زينب
***
الليلة زينب حايرة ومكسورة الاضلاع هيه لوعتها سبية ومحنتي شراع
تكلي يا عمة علي ضاع الامل ضاع بقت عالميتين بس جلمات الوداع
بالوداع تهل دمعها على البعيدين الله يرحم كل اهلنه و يرحم حسين
اخر المطلب عمة يا زينب
***
