يايمه يازهرة سمعيني سمعيني
مطرود من طيبة يازهرة عذريني
يمه انا مسافر وودي احب يدج
وامسح نزف صدرج وانظر لطم خدج
وانام بس ليلة ياام الحسن عندج
واتذكر ايامج وانتي توصيني
ظل ينتحب عدها ودموعه هماله
لنه سمع صيحة من القبر تتعالى
تقله اجل يمه تدوسك الخيالة
وأم الخدر زينب بالهضم تلفيني
يايمه حضريني لو نادتج زينب
وادخيل ضميها بالصدر المصوب
ومسحي مدامعها من عالهزل تركب
وهي تصيح بصوت وين اليحاميني
لن ونة الزهرة من القبر تطلع
بحضر الك يمه في ساعة المصرع
وبقعد انا بكترك والشمر يتربع
وبرويك بدموعي لوصحت دسقيني
ياوليدي يامظلوم لو خلصت ارجالك
بحضر براضي الطف وبتحول اضلالك
وبضلعي المكسور بجمع اوصالك
ولو تيهت دربي ريحك يدليني
عندي طلب منج لونادت سكينه
ومعها بجت زينب وصاحو انذلينه
قصدي القمر عباس ونزعي سهم عينه
وشدي جرح راسه لايزيد اونيني
