انــا الحـوراء يا زهــره إجيت وشايله أوجـاع
على قبرچ لفيت ادعي وإلي وياچ هسّه وداع
ويّه حسـين من يرحــل اسـافر والقلب ملتـاع
اودعنج يالحنينه..اعوفن دربِ لـمـدينه..مع الوليان شدّينا
وأعوُد مسلّبه بلا قناع
********************
اعوف البيت والخلّان اعوفن اهلي والاوطــان
دارج ريحتج يمّـــاه وشبّاحج على الجـدران
كله لاجل بس يسلم دين المصطفى العدنـان
اخويه حسين وشسوى...يطلع بالغصب قوه.. وين اصحاب المروه
ماظل بالمدينه شجاع
********************
سمعت الهاتف ينـادي مشيهُم مشية القشره
بضعن حسين ابو اليمه اشبيها النـوق متعثـره
وهالاطفال ال ويــاهم قلبـها شيحتمل صبره
وابنات الرساله اليوم..طيف الموت بيها يحوم..ما ترحمها هاي القوم
و يصفَن مالهِـن فزاع
********************
ابو فاضل خَذ لوانــا بيـده وقــال بحمانـه
طلعنـا بعـزّ و وليانـه تحود وتمشي تبرانـه
و ورانا بالكدر سارت يـا وسـفــه منـايانــا
ضعن حسين من طوّح..وبالرايات من لوح..عينه ليمّچ وتشبح
و يدري يروح ما يرجع
**********************
إذا بذاك القبــر زلــزل وچنها أركانه تتمايــل
وصوت ام الحسن حوقل وحسـهـا بعبرته مثكـل
شمطلوبين أرد اســأل ليــش اولادي تتجــدّل
يا زينب شعبتيني..عهد ما بينج وبيني ...وصيه مني سمعيني
صوت امن القبر يصدع
*****************************
وصيتي لچ لَ تنسيها ثيابي يمه لبسيهــا
برقبته حسين شمّيــها ضلوعه بنتي قبليها
ولـمّـن روحــه يبريهــا أمانه عيـاله لـمّيــها
يتامى صغار تتطافر...تهيم اعله الوجه بالبر..خيمها تنحرق وتفر
وزينب تنحب وتسمع
عيال الزهره مجتمعــه توادع امها هالبضعه
كِـتـم الانفاس من عدها وداع إلـما إله رجعــه
ساعه النّــوح للمسمار وساعه حسين ولضلعه
اهوى اعله القبر بنها..طلِعن م القبر چفين...تضمّه وحيل يضمّنها
و قلب الحورا يتقطع
