*ودًعنه النحبهم *
وعلى وزن قصيدة ((ظلت بس صورهم )) للملا عمار الكناني
ودعنه النحبهم.....وردينه بدربهم
وحشه بلا كمرنه...وبس دمعنه...يوصل الاخبار
جانو يمنه اهلنه...وبيهم كل أملنه
خلونه وجفونه....وفاركونه....بدرب الاخطار
....................
بالوداع....دمع اليتامه يناشد الغريب
بالوداع...غيرك منو يرجعنه يل حبيب
بالوداع....جرح اليفارك غالي ما يطيب
بالوداع....خلينه جسمك.عل الترب سليب
يل جينه بضعنكم....شو بعدونه عنكم
وبدروب المتاعب...يل حبايب...لسه الاثار
جانو يمنه اهلنه...وبيهم كل أملنه
خلونه وجفونه...وفاركونه...بدرب الاخطار
......... ........... ............
بالفراك...كلمن يودع غالي من يروح
بالفراك ...ام الولد يم الولد تنوح
بالفراك....ياهو اليداوي الحسره والجروح
بالفراك...روح الحبيب تظل بلايه روح
جم حره بجزنها.....وكفت يم ابنها
صاحت ها يغالي...من الليالي..بهجرك احتار
جانو يمنه اهلنه...وبيهم كل أملنه
خلونه وجفونه...وفاركونه...بدرب الاخطار
.................
يل اعزاز ....مايسوه لو ما أنتم الوجود
يل اعزاز.....نتمنه لو بينه الزمن يعود
يل اعزاز.....يل بيكم الله مخصص الخلود
يل اعزاز.....بالدم حسافه مخضبه الورود
باجر لو رجعنه...شيسكت دمعنه
ونتذكر ولينه...شما بجيني ..ودم الانصار
جانو يمنه اهلنه...وبيهم كل أملنه
خلونه وجفونه...وفاركونه...بدرب الاخطار
....................
يعباس...سكنه الحزينه تنادي بالغياب
يعباس ....منتظره منك يرجع الجواب
يعباس...ماتدري بعدك تبقه بالعذاب
يعباس....وتذبل عمر ريحانة الشباب
ظلت بأنتظارك.....ملهوفه عله ثارك
عطشانه لرجعتك...يل نظرتك..تحمل اسرار
جانو يمنه اهلنه....وبيهم كل املنه
خلونه وجفونه...وفاركونه...بدرب الاخطار
............................
بالاحزان....فصلنه ثوب الحسره والعزاء
بالاحزان....غيمة فواجع حته بالسماء
بالاحزان....ودعنه ثورة مرجله وأباء
بالاحزان...ردتنه يم كل ديره كربلاء
من دم الضحايه....سجلنه النهايه
وكل عاشر محرم...ثورة الدم ...تحيي الاحرار
جانو يمنه اهلنه...وبيهم كل اهلنه
خلونه وجفونه...وفاركونه بدرب الاخطار
.
نسألكم خالص الدعاء
