هذا نعش ابونه ووين نيتكم تودونه خوية النعش ما ننطيه وية النعش خلونه
عزيز الابو وما ينعاف ما نقبل تدفنونه هيبتنه وعمود البيت نبقة شلون من دونه
بناته نظمه وسط العين شنهو البعد تردونه بلكت يكعد نحاجية نشوفه شبيه وشلونه
ومن يسمع بجي زينب لابد يفتح عيونه ابونه المرتضى الكرار مو وكته وتشيعونه
يكله للحسن يحسين بس جم يوم عوفونه خواتك لزمن التابوت ما يرضن تشيلونه
اخذ بعيد المشيعين حِسنه لا يسمعونه شلون على الجنازة نجول والوادم يشوفونه
بوية نصيح يابوية نصرخ لا تسكتونه لو ما يندفن حيدر لو ويا تدفنونه
