عينك ما درتها بيوم عن عيني
عليك ابداعة العباس حاجيني
---------------------------
ويتك يالگلت ما فارگج وينك
عليك بداعة امي لا تسد عينك
اريد براسي تمسح بويه جفينك
امسح راسي بيدي لا تخليني
************************
عينك ما درتها بيوم عن عيني
عليك ابداعة العباس حاجيني
---------------------------
ما اريد الهوى الما بيه علي اشتمك
ولا اريدن شهر رمضان مو يمك
شلون افطر بماي وتفطر بدمك
ياماي ابغيابك بعد يرويني
************************
عينك ما درتها بيوم عن عيني
عليك ابداعة العباس حاجيني
---------------------------
اكثر من عــذابي لا تكـــلفـــوني
عفتني وباجر اخواني يعوفوني
بعدك سوط اميه يضرب امتوني
وابن الكلت چبد الحمزه يسبيني
************************
عينك ما درتها بيوم عن عيني
عليك ابداعة العباس حاجيني
---------------------------
اعمار البشر تندار كون ادري
والله انطيك عمري يا بعد عمري
كسر امي بضلعها وبالگلب كسري
مكســورة الخـــاطر لا تـخلــينــي
************************
عينك ما درتها بيوم عن عيني
عليك ابداعة العباس حاجيني
---------------------------
بعدك ما لي عين اتشوف محرابك
لو دم الدمع ما يجبر امصابك
احن الريحتك واركض على اثيابك
يا ريحة علي من الموت تحييني
************************
عينك ما درتها بيوم عن عيني
عليك ابداعة العباس حاجيني
---------------------------
اول مره اصيحك ما ترد صوتي
واول مره اموت ابموت مو موتي
نار الباب ردت حرگت بيوتي
من نار السقيفة من يطفيني
************************
عينك ما درتها بيوم عن عيني
عليك ابداعة العباس حاجيني
---------------------------
حگي ابجي عليكم من اودعكم
واشوفن عالشريعة اطيح رايتكم
التكره دينكم صعدت منابركم
صار الخان ديني يحكم بديني
