يكرار يكرار
****
رزيتك يا بوية اعظم كل رزية يكرار يكرار
يتمتني وانهدم بيتي عليه يكرار يكرار
ضاعت آمالي وصرت اصفك بدية يكرار يكرار
من سمعتك يا علي تكول الوصية يكرار يكرار
اليوم مات المصطفى خير البرية يكرار يكرار
اليوم يا بوية انكسر ضلع الزجية يكرار يكرار
****
يخوية يخوية
يالحسن هذا ابوك يسيل دمة يخوية يخوية
ساعة غيابة دنت وبروحي همه يخوية يخوية
خلني يا خوية اجي يمه واضمه يخوية يخوية
والثم الطبرة يبومحمد واشمه يخوية يخوية
اليلة يمي والدي وهذي اني يمه يخوية يخوية
باجر ببين التراب يغيب جسمه يخوية يخوية
****
يمظلوم يمظلوم
حسين يبن امي شفت دمعك تحدر يمظلوم يمظلوم
تبجي للوالي وعلى راسة التطبر يمظلوم يمظلوم
باجر اكثر تنتحب وتنوح اكثر يمظلوم يمظلوم
لو شفت مطروح عباس الغضنفر يمظلوم يمظلوم
وانت باجر جسمك كبالي يتوذر يمظلوم يمظلوم
وراسك الغالي على الرمح يتشهر يمظلوم يمظلوم
****
يعباس يعباس
آه يا عباس من عظم الفجيعة يعباس يعباس
انا اختك زينب وامي الشفيعه يعباس يعباس
حيدر اوصاك وامر حيدر تطيعة يعباس يعباس
قال زينب يا كمر عندك وديعة يعباس يعباس
شلون حالي لو طحت يم الشريعة يعباس يعباس
وانطبر هامك وجفينك كطيعة يعباس يعباس
***
يمحجوب يمحجوب
يا حليف الثار يالثارك توجب يمحجوب يمحجوب
ما اشك انت سمعت صرخات زينب يمحجوب يمحجوب
كوم واطلب ثار ضلع الي تصوب يمحجوب يمحجوب
وثار ابوك الي بدمه الطبرة تخضب يمحجوب يمحجوب
واطلب بثار الذبيح الي تسلب يمحجوب يمحجوب
وثار عماتك يبن جتال مرحب يمحجوب يمحجوب
