بوية بوية لا تسافر بوية بوية تدري باجر
يظلموني يشتموني بيوم عاشر
***
يا علي لاترحل و تترك جروح باجر بطف كربلا خدري يروح
ابقة ما بين الجثث اصرخ وانوح ياهلي بحيرة صرت لاوين اروح
وينه وينه حامي خدري وينة وينة ريته يدري
حاوطوني وروعوني هالعساكر
***
وانا ما بين الجثث اسمع ونين زينب اسكيني قبل قطع الوتين
معتني بسيفة الي شمر اللعين ينظر جروحي ولا قلبه يلين
يختي يختي يحزلي نحري يختي يختي بالله اصبري
عالمصيبة يا غريبة مالي ناصر
***
واركض من الخوف ماعندي ولي واصرخ وانخاك وينك يا علي
عسكر يزيد الرجس كاصد الي هذا يسلب ذاك يشتم كل هلي
وحدي وحدي مالي والي وحدي وحدي وهذا حالي
بهالظهيرة والعشيرة بس مناحر
***
ابقة احرس باليتامى والعليل متني من سوط العدة دمه يسيل
ليل وحشة تجيني يا حامي الدخيل لو تخليني غريبة بلا كفيل
وحشة وحشة ارض الطفوف وحشة وحشة وعينك تشوف
لا خيامي ولا محامي بهالمخاطر
***
وتالي امشي عالهزل متيسرة والحرم بيدينها متسترة
هاي تصرخ وين سبع الكنطرة وذيج تصرخ بينه حيدر ما دره
ترضى ترضى يكيدونه ترضى ترضى يضربونه
والعدونه ييسرونه قلبي حاير
***
وبهظيمتنه نطب مجلس يزيد جنه مو آل النبي جنه عبيد
وننظر بطشت الذهب راس الشهيد وبيمينة يضرب شفافة العبد
وانت وانت ما تجينه وانت وانت يا ولينة
ما يسترك عني قبرك دوم حاضر
****
