يالوالدة دنيتي بعيوني ظلمة ما يسوة عمري بعد عينج ييمة
جرحج فلا طاب يا اغلى الاحباب
***ِ
ناحت نجوم السمه دنيه صارت مظلمة يمة انا فاطمة يا ضوة العين
تيتمت من الصغر لابسة ثياب الصبر والله ما يسوة العمر من تروحين
جرحي منهو يضمدة لشوفتج متعودة بغيبتج يالوالدة اتجه وين
دهري ابتدة وفركتج من نايباته واليفكد الوالدة شتسوة حياته
شيفيد العتاب يا اغلى الاحباب
**
ليلي كله مساهرة قلبي شنهو يصبره بفركتج يالطاهرة ماكو بسمه
دمعي يجرح بالجفن روحي مهظومه وتون قلبي لو مسه الحزن انتي يمة
خذج من عندي القدر نمتي باحظان القهر صيحتي طول الدهر يمه يمه
واليندفن بالترب منهو اليردة رديلي يالوالدة بس ليلة واحدة
ومكابلة الباب يا اغلى الاحباب
**
يمه اذكر ضحكتج يمه اذكر دمعتج يمةاذكر كعدتج يمه كل يوم
يمه عفتيني بغرب يمه دمعاتي تصب يمه خليتي القلب بين الهموم
دار وحشة وخالية انا ابقى متانية يالحبيبة الغالية مفاركة النوم
يا يمة عيفي القبر للبيت ارجعي ما ادري شنهو السبب يوجعني ضلعي
سمعيني الجواب يا اغلى الاحباب
**
يمه ريتج للزمن من يراويني المحن والليالي لو كضن تعتنيلي
يمة صدري ينعصر يمة ضلعي ينكسر يمه خدي ينصطر وحمرة عيني
ريت وياج اندفن ولا يضربون المتن وانا اصرخ بالحزن يا جنيني
يا لوعتي وشكبر هاي الهظيمة بهالليلة بعدج تظل بنتج يتيمة
**
حين اودع والدي منهه دهري يبتدي انا ويا موعدي كل رزية
جني انظر للحسن بالطشت جبدة انسحن ولني ونات الزمن كلهه بيه
بكربلا انظر صور راية وجفوف ونحر وزينب تصيح بقهر يالزجية
مجتوفة زينب اشاهدها بخيالي واسمع تصرخ يبو فاضل يغالي
ادري الوفة غاب يا اغلى الاحباب
