يمة لتعوفيني احترك بونيني
يم حسن بفراكج كربلا تسبيني
*****
زينب انا وروحي يمج فرفحت يمة
ريت عيني لفركتج لا صبحت يمة
غمضيتي وبوب ضيمي اتفتحت يمة
نار باب الدار للطف لمحت يمة
دارج الحركوها عينج السطروها
بعيني رسمت باجر لون ادي جتفوها
يم حسن بفراكج كربلا تسبيني
****
عيوني شافتج تسحكين الجمر يمة
ما لزمتي الباب وانعاب الصدر يمة
نار شبت وانتي عينج عالخدر يمة
بمحنتج علمتي بنتج عالصبر يمة
بابج وبسمارة بينتلي اسراره
بكربلا تعلميني شلون الاكي الغارة
يم حسن بفراكج كربلا تسبيني
****
عني جم سوط الشكفتي بيمنتج يمة
ليل صارت وامنتني شيلتج يمة
كلتي هيجي مثلي احمي عيلتج يمة
دمعج الكاتب حروفة وصيتج يمة
سوم طفلة بعينج عمة تصرخ وينج
صورة للطف هايه فسراهه ونينج
يم حسن بفراكج كربلا تسبيني
*****
ميت المحسن غدر يا فاطمة يمة
شالته جفوفج لجن يقطر دمة يمة
من اديج اليوم اخوي اتسلمة يمة
باجر ايدي تشيل مذبوح بضمة يمة
حسين يم خيامي بيدي طفله الضامي
بعيني اصد وليده منذبح كدامي
يم حسن بفراكج كربلا تسبيني
****
جنتي من تنعين تطفه عبرتي يمة
من الم ضلعج ونينج ضنتي يمة
ثاري كل دمعج يصب لمصيبتي يمة
بليلج تنوحين ليلة وحشتي يمة
الليل ما تغفينه دمعج تصبينه
ضعني قبل رحيلج بالنعي تواسينه
يم حسن بفراكج كربلا تسبيني
****
انا بمصابج شفت كل كربلا يمة
راح الم جتاف ضعني بالفله يمة
راح احامي كل يتيمة مدلله يمة
حيرتي الديوان لمن ادخله يمة
بهاي اضل حير انه دمعي دم جريانه
الذبحلي اخواني شلون اطب ديوانه
****
