يالتشيعوني باليل ادفنوني
***
فاطمة بنت الرسالة باخر انفاس المنية
وصت الكرار حيدر بت رسول الله بوصيه
ابريلي الذمه اخافن مقصرة يا حامي الحمية
ومن تغسلني على هونك ثوبي خله يظل عليه
ومن يجفنوني بليل ادفنوني
***
منك اتعذر يحيدر اقبل بهالحالة عذري
يا علي وجفني سكته ما اريد الناس تدري
ولا اريد يشيعوني ضيعوا يالوالي عمري
وانت يا حامي الحمية بيدك تنزلني قبري
غمض عيوني بليل ادفنوني
***
ما اريد اللوعوني تباري نعشي يالصميدة
لو غفت كل عين اخذني ودفني نص الليل اريده
ولو فرغت لدارك ارجع لا تظل زينب وحيدة
والحسن وحسين اخيه كلمن يكف دمعه بيده
من يفكدوني بليل ادفنوني
****
يا علي وذوله اليتامه بذمتك ظلوا امانه
تدري امهم فاركتهم من سبب اهل الخيانه
بذمت السبب يتمهم فاركوا حضني وحنانه
انت تصبر عالمصايب واحمل اللوعات انه
ما يشوفوني بليل ادفنوني
****
بت رسول الله الوديعه وانظلم هاي الظليمة
والجريمة الي عشتهه منهه تبدي شجم جريمه
كل عصر تعرض مشاهد للحزن والهم اليمه
ظلوا اطفالي يتامه وانا مهظومه ويتيمه
لا تخلوني بليل ادفنوني
****
راح اروح لعودي اشكي لوعتي وظيم الجرالي
شلون راح يظل مكاني يا علي الكرار خالي
ريت ابوي اليوم ينظر من عكب عيناه حالي
غاب من دنياي بدره وراح كل عزي ودلالي
العودي ودوني بليل ادفنوني
****
ذ
