خالي بيتج يمه يمه
مانسيتج يمه يمه
رحتي يتمتيني للحزن عفتيني 
يمه يمه 

_______________________________
انا زينب ييمه ودمعتي بعيني 
غيرج ما الي بدنياي تدريني 
ييمه للهضم والنوح عفتيني 
بعدج ماردت يالوالده سنيني 
عيني تهمل من اذكرج 
ذكرى تكتل من اذكرج 
جمرتج تجويني للحزن عفتيني 
يمه يمه 
________________________________
الصبر يايمه انه البييدي زارعته 
حصدته من الزغر وبكلبي جامعته 
الج يالوالده ولحسين رايدته 
مثل الام ضلعج انه جارعته 
صبري دمعه جنه جمره 
من يجرعه جنه جمره 
حسره تهمل عيني للحزن عفتيني 
يمه يمه 
________________________________

المثلج يالحنينه بها العجاله تروح ؟
يمن بيتج مضيف لكل محب مفتوح 
اعاين حجرتج وتروح مني الروح 
اكابلها ودك والطم وجيم النوح 
جن اشوفج انتي بيها 
من اعوفج انتي بيها 
ابها الوضع تدريني للحزن عفتيني 
يمه يمه 
______________________________________
الج صوره بوسط كلبي رسمها الهم 
يوم الشفتــــج تنزفين يمـــــه الــدم 
لا خال الي يمج لا اخو لا عم 
رحتي وياج أخذتي جم الم جم هم 
ما حجيتي سكته رحتي 
ماشكيتي سكته رحتي 
شوفتج تروتني للحزن عفتيني 
يمه يمه 
________________________-
الضهر والدار ضلمه بعيني اشوفنه
مجانج خالي اشوفه واسمع الونه 
موميته وبعيده ساكنه اتمنه 
ازحوف الشوفتج يالوالده أتعنه 
لو بعيده جان أجيتج 
يالوحيده جان اجيتج 
ريتج أتشوفيني للحزن عفتيني 
يمه يمه 
__________________________
يم حسين ولد أثنين عفتيهم 
د معهم هامل الفركاج تدريهم 
أخر شوفه كبل الموت شفتيهم 
يودعوج بدمعهم من تودعيهم 
وانه يمج جنت أشوفج 
زاد همج جنت اشوفج 
ريتج أتحضنيني للحزن عفتيني 
يمه يمه