هاليوم هاليوم نشيـــّع فاطمه
ــــــــــــــــــــــــــــ
إنعـــزّي الحبيب المـُصطفه إبهم إو حـِزِن
إنعــزّي الحـُسين إبفاطمه إعليها نــِوِن
إنعـــزّي الكفيل إو نذكر إﭼفوفه إو نـِحـِن
وإنصيح وإنصيح يــَحـَمـّاي الحــِمـَه
هاليوم هاليوم نشيــــّع فاطمه
ــــــ
إنعـــّزي الأمام المنتظر بالفاجعه
والحسرات بالأرواح لجل الشافعه
وإلزينب نواسي بالدموع اللاسعه
آهات آهات نــُوَصــّلها الســِمَه
هاليوم هاليوم نشيــــّع فاطمه
ــــ
ما ننسه الضلع كسروه ذوله الناصبه
ما ننسه الصدر عصروه ناره لاهبه
ما ننسه الجنين الطاح روحه ذايبه
وإدموع وإدموع تسيل إو من دِمـــَه
هاليوم هاليوم نشيــــّع فاطمه
ـــــ
دمعي ما نشف يجري على أم الحـَسـَن
ما أنصف رماها بالمآسي هالـــزَمــَن
والكرار حيدر بالحزن ﮔلبه إمــْتـَحـَن
ياريت ياريت عــَدُوهم بالعــِمــَه
هاليوم هاليوم نشيــــّع فاطمه
ـــــ
للعباس نــُنــْظــُر وينه شيـّال العلم
ردناه الوفي ويــّانه يحضر هالأشــَم
نهتف يا أبو فاضل مــِلــَه الروح الألم
أرواح أرواح بيكم هايمه
هاليوم هاليوم نشيــــّع فاطمه
