انــه محــتاج البـقائك . والاجــل يمــك حــظر
انته خويه حزام ظهري . ولو رحت ظهري انكسر
صـوَر مامحتـاج ارسـم . هـاك اخــذ دمعي صور
وَيــه كل دمعه الأهلها . فـاجعـه ونــوح وكــدر
***
وياك كلنه اجنود خويه . وانته قائد هـالجمع
وبلواء الحـسن نـصـبح . تحـت ضـلك نجتمع
والله محتاجيـنك احنــه . وتعلم انـته بالوضع
لاتخــليــنه يتــامـه . ونجري لفراگك دمع
***
خويه من عمري اعله عمرك . يمي ظل لاتبتعد
من تـروح اتروح روحي . ومن ترد روحي ترد
والله مــو هـَين يخـويه . الأخـو لـمَن ينـفگد
الراح من عـنده عظيده . ويـن گـلي يـنوجد
***
خويه حـين العـني تبعد . گلـبي بعـدك ينــجرح
ولو رحـت من بيـن اديه . منـي يــتهـدم صـرح
اتصيـر ليل ايامي كـلها . ومايجـي بعـدك صبح
السم كسر جنحي يخويه . اشلون اطير انه بجنح
***
