لوعوني.. جيت أشـــكي يا كفيل الصار بيه
لوعوني .. طول درب اليسر مجتوفات أديه
عودت ودموعي تجري .. ياكفيلي بعد يسري
لوعوني .. لوعوني
************
من تركناكم على الغــــــبرة ومشـــينه
بلا محــــامل والجيوش تحيــــط بينه
يحدي ضعني الذبح بالحومـة ولينه
من بعــــــــدكم يالكفيـــــــــل تبهــذلينه
ماطفه بالكَب جمري .. ياكفيلي بعد يسري
لوعوني .. لوعوني
************
نمشي والمدمع مطر ماجف مسـيله
والقهــــــــر سجادكم مــــــــــــــــرد دليله
فوك ضيمه رقية تبجـي وتشــــتكيله
من ســياط القوم والدمعـــــــــة ثجيله
تكله خويه ورم ظهري .. ياكفيلي بعد يسري
لوعوني .. لوعوني
************
طويل درب اليســر ويفتت مهجــتي
أنضـــــرب لو نزلت بخـــــدي دمعتي
شلون تطفــه يا أبو فاضـل جمرتي
بهيـــده لو ونيت ما تسـمع عـبرتي
حيراني البين بأمــــري .. ياكفيلي بعد يسري
لوعوني .. لوعوني
************
أربعين حســين حانت يا بوفاضــل
ورجعت للطف أدور دون كافــــــــل
كوموا يخــواني وتلكَــوها المحامـــل
هـاي زينب عودت والدمــــع ســايل
خائـن وغـدار دهري .. ياكفيلي بعد يسري
لوعوني .. لوعوني
************
من على الناكَه وهوت فوق الوطيه
تشـم بتراب القــــــــبر بنت الزجــــــية
تكَله خــــويه مروتك بس رد علـــيه
جبت رأسك ورجعت للغاضــــــــــــريه
وياك كون يصير كبري .. ياكفيلي بعد يسري
لوعوني .. لوعوني
************
نوح صـــار ومدمـع وهـــــــــــم وألـم
وعتنت زينب لشـــــــــــــيال العـــــلم
تعاتبه والحيـــــــــــل لفراكَه أنهــــدم
يفت صم الصخر ياحـــــال الحــرم
من تكَله بحالي تدري .. ياكفيلي بعد يسري
لوعوني .. لوعوني
