زينب يا زينب يا زينب يا زينب
****
مشى ضعن العقيلة الما مشى ويه اجناب اكولن ياهو يحدي يخرس لساني
وتتباجى ايتامى من الهظم والخوف ويتجارى الدمع ويضحك الجاني
مجتوفة بحبل والحبل شدة حيل من رجل اليتيم لرقبة الثاني
واذا طاح البرجله الحبل يثني ويا رقبة راس اخيه وينحني الثاني
وعطب قلب زينب من حجي الشمات وحملت درب هيمة وحادي سفياني
وصارت من كثر ما تنظرلها الناس بقايا انسان يمشي والظهر حاني
ولسان الحال منهه يصيح يالجمال نحي من النواظر روس خواني
راس الي كفلني يعاين على النوك يدور بالمحامل مظن يلقاني
وحسباله اظل ام الخدر من طاح ومثل ما جان لو حافي يتلقاني
ويلبس الشمس بوشية اذا فد يوم بيان خيال طول الناكة مو اني
تاليها الدهر من كربلا للشام امشي وية الذبح عباس خلاني
الله يا محنة زينب وعباس اذا انساه وامل كون الله ينساني
***
