صاحت اخت القمر من اجه المنتظر
لوانه امانه ينتظر عالنهر
**
هذا ابوصالح اجه يم الغريبة من وصل للشام ما بطل نحيبة
عظم الباري اجرنه بعالمصيبة عمه يا زينب تره الطلعة قريبة
هيه وابن الحسن التقوا بالصحن
تخبره تذكرة يا لثار النحر
**
عمة يالمهدي اسولفلك مصايب وانا بالطف والهج باسمك يغايب
من ابو اليمة وكع شفت العجايب لا اهل ظلت ولا ظلت قرايب
لو تشوف الخيم وجت على الحرم
اجونه ولونه صحنه وين المفر
**
من وقع من المهر جدك اجيته شفته من دم جبهته يخضب لحيته
وانخمش قلبي الشمر يمه لقيته ادري بالعباس ميت بس نخيته
انا ام الخدر بس دفعني الشمر
دفعني صفعني وانت عندك خبر
**
من رفس صدره الشمر طاح على ظهرة واثنعش طبره عدل طبرة على طبرة
ويلي وتربع يعمة فوك صدرة اي يمهدي من القفا ظل يحز نحره
نحر اخوي انكطع واني قلبي انشلع
تسلب تعذب حتى اصبعه انبتر
**
وجه ابن جوشن يبو صالح رعبني سوطه بيدة وواكف كبالي ويسبني
جنت احس متني وكع لمن ضربني عمه نفذ غايته وبيده سلبني
كلي وين اخوتج من جرت دمعتج
سبية بدية اله اشبعج قهر
**
من عكب عباس ابو الغيرة انولينه هذا تاليهه الشمر يحدي الضعينه
من ركبنة على الهزل مجتوفة ادينة والمصيبة الوادم تباوع علينه
والحراير صعب تغفى يم الغرب
سهارة حيارة ما غفينه بسفر
**
دخلت الديوان مو سهله عليه اوقف قبال العدو ومجتوفة ادية
لن يزيد يصيح جيبولي السبية ها يبت حيدر وقعتي ببين ادية
راس اخوي بطشت وانا شفته وصحت
جرحني ذبحني والعصا على الثغر
**
عمة يالمهدي متى تاخذلي ثاري وتاخذ بثار البقه عالغبرة عاري
انا انطر طلعتك ليلي ونهاري وين ابو صالح اصيح ودمعي جاري
عمة عالمشرعة صارت الفاجعة
كفيلي يويلي من نخيته اعتذر
*****
