سولفيلي انا مشتاق لكلامج وارد ابرد بي غليلي
سولفيلي يا عزيزة قلب اخوها
يالي من تكوم ادري يكوم جان وياها ابوها
وانتي عنوان بدليلي سولفيلي
خاطر اتوكل على الله وعزمي عالموت ورحيلي
خوية ليلنه ليل وطفلة تبجي ويمها الحسين
واجت زينب تريد توادع الغالي
كل نقله جدم وياها يا عباس
وردت للخيم ودموعها تلالي
ها يحسين اشوفن خاطرك مكسور واشوفنك تزيد النظر بعيالي
يعني شلون أأيس هذا اخير وداع يعني شلون باجر يطلع خيالي
خوية حسين ترضاها سباية نروح واضل بس للشتم ببحلوك عذالي
ما جانت سوالف كربلا على البال جانت بس وصية حيدر ببالي
حيدر بروح ابوك شوصه داحي الباب مو وصاكم بخدري يظل عالي
مو قال الخدر يتكفله العباس شو حرك الخيم هالتراوالي
يم جان اليه بالوعد يوفاي العطش يبس دليلي وحرك يوفاي
يخوية ما دريت الشمر يوفاي وهاي الخيل هالجمت علينه
زماني بجمرة خيامي وجرني كفيلي ما سمع وني وجرني
كبالك والشمر سبني وجرني الزم بيك خوية ويجر بية
