انتي زينب ليش غيرج الزمان هواي بعيوني احس متغيرة
لهالكثر يم الخدر متروسة شيب الصار بيج ابدا فلا صار بمره
شالسبب يم الخدر منحولة هيج ردي يا محزونه خبريني شجره
خوية يمحمد الشفته مو قليل منين ابدي بهالامر متحيرة
احجي لك من وكفتي على التل تريد لو عن المظلوم شفته على الثرة
من شفت خوية وعلى صدره الشمر كاعد بسيفه يهبر منحر ة
لو عن خيامي الي حركوها تريد لو عن دروب وصحاري مقفرة
لو عن المجلس الطبيته بقيود كام يسب امي ويشتم بحيدرة
خوية ما اكلك اعذرني اكيد جلمة الخوه علي تحرم ترة
جلمة الخوة عفتها على النهر من وكع عالشاطي سبع الكنطرة
بدل اسمي لا تقلي ام الخدر كلي مسبية لا تقلي مخدرة
