جسد لحسين يا شيعه صعبة توصف احواله
جسد لكن بلاية راس وكطيعة يمينه وشماله
***
جسد من نور وتكون برحم الطاهرة الزهرة
بابهام النبي تغذى تربى في وسط حجره
تاليها بلا وساده يتوسد على الغبرة
وعلى حر الرمال ينام ونحرة دمومة سيالة
***
ابوه اليكسوا الايتام وبعطفه غمر هالناس
عجيبة ابنه يسلبونه يظل عاري بلاية لباس
بدل تجهيزه ودفنه صدره بالخيول انداس
ساوت ظهره بصدره عكب ما شالت اوصاله
***
جسد من كثر دوس الخيل ما تتجمع اوصاله
جسد والجبد مو وياه جبد بسهم منزوعه
وعلى صدره الشريف اثار رفسة رجل مطبوعه
اثر رفسة شمر لمن داس بصدرة بنعاله
***
هذا ...شمس الكون بكه بحر الشمس مطروح
جراحه ابد ما تنعد وكل جرح بوسطه جروح
شلون تحملت زينب تشوفه من القفا مذبوح
وراحت عنه مسبية ولا جابتله شيالة
***
مثل جثة ابو اليمه ما شفنه ولا انشوف
متوزعة بطعن الرماح ومتقطعه بضرب السيوف
جفوفه مصدر النعمة ومنه تكطعت الجفوف
ورماها على الثرى الجمال يم نسوانه واطفاله
***
الله على الجسد هذا كم من فاجعة تحمل
حتى خنصر يمينه طراه بخنجره ب..
تغسل ماهو من الماي من دم منحره تغسل
والناعي الاجه يواري لفه ببارية وشاله
***
واشد مصاب صاب حسين مو رضه وكطع نحره
ولا هو سهم المثلث الشاله من خرز ظهره
اشد مصاب يا شيعة ذبح طفله على صدره
الرضيع الي بسهم ذبحوا ونار الضمى بدلاله
