اختصرلك جرحي ياعلي
عوف ليلي وصبحي يا علي
راح ابوفاضل راح ابوفاضل
***
ها يبوية الصوت ما وصل يمك لا شتم لا سوط هيجه لحلمك
اسمي بالميدان حجايه عند خصمك هذي بت حيدر واسمعه يشتمك
وين هيبة زينب ياعلي بوية لا تتعجب يا علي
تدري بالحاصل راح ابوفاضل
***
بين خيالي وما شفت موتي ترضى يابوحسين ينسمع صوتي
حاوطوني القوم سلبوا بيوتي وحركونا بنار ذبحوا خوتي
نار متخليني ياعلي موجوت رجليني يا علي
ركضي متواصل راح ابو فاضل
***
لا تظل تصيح منهو ضاربني عوف دمي يسيل بوية من متني
وجهي لتغطي من تشاهدني عاتب العباس لا تعاتبني
هوه ضيع اخته يا علي روح دور جثته يا علي
ما الي كافل راح ابوفاضل
***
عالنهر تلكاه ويه والينه ما تشوف حسين بيده جفينه
ظهره ظل مكسور من سهم عينه حاضنه ويصيح لا تخلينه
ما تصد بعينك يا علي شوف حال حسينك يا علي
لرايتك شايل راح ابوفاضل
***
من تجيب الماي لا تشربنا بوية طفي النار من هدم سكنه
ولا تحط خيام يا علي النه ما نريد بيوت بالفله خلنه
ما اريد اتدلل يا علي ساعه بوية وانذل يا علي
والشتم نازل راح ابوفاضل
***
بوية فات الفوت وانهتك خدري انسه زينب روح واحفره لقبري
بضربت العامود ميته ماتدري ومن تبده الماي راح كل عمري
بوية غير اسمي ياعلي مو تغير رسمي يا علي
والدمع سايل راح ابوفاضل
***
