من كثر الهظم والنوح لامهجه البگت لاروح
راح الـگلـّي گومي وياي
من حط يمنته ابـْـيـــمناي
ظل اعله النهر مطروح لامهجه البگت لاروح
* * * *
آنه ام المصايب زينب الكبرى
آنه ام الحزن بت فاطمه الزهره
آنه اخت الكريم المانشف بحره
آنه اخت الذبيح الحظنته الغبره
آنه اخت الوگع وچفوفه متوذره
آنه الگلبي عدّى اعله الصبر صبره
بت المصطفى المختار بت حيدر على الكرار
آنه اخت الگمر عبـّـاس
ذاك البلْ حرب نوماس
بسيوف الغدر مذبوح لامهجه البگت لاروح
* * * *
لازَمني الحزن بچفوفه وبسـنـّـه
مثـْـل املازم الظل وأشد مــنـّــه
وبـْـخيل السقيفه الكربله اتعنـّــه
بالهم والهظم واللوعه والونـّــه
ماچن المصايب گلبي سحنـنـّــه
من گبل الطفوف ودمعي سالنـّه
ونـْـعادن عَلـَيـّه اردود من طاح العلم والجود
من انگطعن الچفـّـين
من طاح السهم بالعين
من رد المهر مجروح لامهجه البگت لاروح
******************
"خادمة (النجفية )الحسين "
نشرت فى 28 أكتوبر 2015
بواسطة yahussin
" تُرْاٌثُ آلِ مُـحَمَّـدْ اٌلـمَـكتْوِبّ "
عدد زيارات الموقع
1,002,473