ضلوع امك يجاسم حَنه بيها
عليك وهظم هجرك حنه بيها
ايدك ما اكولن حنه بيها
دم وتراب من الغاضرية
انشدك وين كلي ماشي عنه
وبعد بالدار نورك شي عنه
شموع الفرح بعدك ما شعلنه
طفت واشتعلت شموع المنية
ونيني اليسكر ضلوعي وحني
مثل القوس بفراكك وحني
جان ببالي ازفنك واحني
جان بدمك تحنت ادية
الزمن راواني الاصعب ولدها
المصايب بس الي دهري ولدها
اشوف الوالدة وياها ولدها
وانا وليدي اندفن تحت الوطية
