زينب تكله  يا شمر خله  

وارحم بحالي  ما الي والي

**

يخايب ما تخاف الله كطعت قلبه

دكوم من الصدر لا تثني الركبه

تره مابي نفس وبجسمه جم ضربه 

وانا ما عندي غيرة وغربته غربة 

بعده بانفاسه  لا تكص راسه

واترك الغالي  ما الي والي

**

سهم جبده دشوفة ياكل بجبده

راح يموت مسموم السهم هده

شتجاوب لو يشاهد كعدتك جده

سيفك بالنحر يا ظالم تحده

ما شفت عينه  جنه هادينه

ليش متبالي  ما الي والي

**

اثار الحجر موجوده بجبينه

وجهه من الدمه ما ينعرف وينه

ويلوج من العطش ما تسمع ونينه

انترس حلكه رمل مو ماي ساكينه

يبست شفافه   انكلبت اوصافه

ينزف كبالي  ما الي والي

**

ادفعني بكعب رمحك بعد اكثر

اريدن متني مثله من الضرب ينطر

ومثل صدرة اريدن جسمي يتحفر

يا ملعون بس لا تكرب المنحر

هوه بنزاعه  اتركه ساعه

خله يبقالي  ما الي والي

**

يحركون الخيم وتفر صغار كبار

وانا بين العليل وبين اطفي النار

اصيح بصوت وينك يالتحامي الجار

احضرني بالعجل ما ظل الي نغار

حيرتي حيرة  هظمتي جبيرة 

شافوا خيالي  ما الي والي

**