مطروح ابو اليمه
مذبوح ابو اليمه
زينب شافت الميمون خالي بغير اخوها حسين
وصاحت يا مهر بالله خبرني اخوية وين
ناداها يمحزونه استعدي للبجه ولنياح
اخوج حسين يا زينب على حر الترايب طاح
والعدوان حاطت بي بسيوف ونبل ورماح
كومي بالعجل شوفي وسمعنه يون بونين
طلعت تمشي وتعثر مدهوشة بقلب وجعان
تتبع على الونات وكصدت وسطة الميدان
ولن تسمع اخوها حسين ينادي آه انا عطشان
سمعته صوته وراحت تصفك راحها بيمين
وبس وصلت لأخوها حسين لكته يلوج عالغبرة
وجبينه بالحجر مصيوب ومنه دمومه متفجره
وشافت سهم المثلث آه طالع من خرز صدره
وجروحه ما اليها عد لا واحد ولا اثنين
بصعوبة فتح عيونه ومن شاهدها قلبه ارتاح
يريد يكوم يحضنها ويرد يطيح فوق الكاع
يقوللها يزينب ليش تجيني وما عليج قناع
قالت خوية سلبوني وستري صار بالجفين
يختي ردي للخيمة اخاف يهدج ونيني
واذا عندج يزينب ماي جيبي ماي واسقيني
واذا عندج دوه ليه دوه جيبي داويني
تراها كثرت جروحي ولا هو جرح وي جرحين
قالت ماي ما عندي الشريعة عنه منعوهه
وجيف ارجع الى الخيام والعدوان حركوها
يخوية هجموا علينه والنسوان سلبوها
واذا رايد دوه مني اداويك بدموع العين
اخاف عليج اذا تبقين يختي وجالسه بكتري
واذا ما ترجعي الخيمة الله يعينج تصبري
تره تشوفي الشمر بنعال يتربع على صدري
